I Rutshuru mu Ntara ya Kivu y’Amajyaruguru, mu Burasirazuba bwa Repubulika ya demokarasi ya Congo, AFC ya Corneille Nangaa, yakiriye Ange Kalonji wari uhagarariye ishyaka rya UDPS muri diaspora.
Ni bikubiye mu butumwa umuvugizi wa AFC/M23, mu bya politike , Lawrence Kanyuka, yashize hanze ku mugoroba wo kuri uyu wa Mbere, tariki ya 15/04/2024.
Ubu butumwa bugufi bwa Lawrence Kanyuka, yabushize hanze akoresheje urubuga rwa x.
Aho yavuze ko abayobozi bakuru bo mu ishyaka rya UDPS hamwe n’abandi Banyekongo bavuye mu bihugu byo ku mugabane wo hanze ya Afrika biyunze kuri Alliance Fleuve Congo.
Yagize ati: “Turi i Rutsuru hamwe n’abayobozi bakuru bari bakomeye muri UDPS ndetse n’abandi Banyekongo bavuye muri diapora biyunze kuri Alliance Fleuve Congo.”
Amakuru avuga ko muri abo biyunze bazanye na Angel Kalonji, ko kandi baje bavuye Canada, Amerika no mu Bihugu byo mu Buraya.
Ibyo bibaye mu gihe ku mugoroba wo ku Cyumweru, tariki ya 14/04/2024, Ubumwe bw’ibihugu by’u Burayi bashize inyandiko hanze basaba ubutegetsi bwa Kinshasa kuganira n’u mutwe wa M23.
Murizo nyandiko z’u muryango w’u bumwe bw’ibihugu by’u Burayi zavuga ko ibiganiro bya M23 n’ubutegetsi bwa Kinshasa aribyo bizatuma umutekano ugaruka mu Burasirazuba bwa RDC.
Ibi biri mu byifuzo u Buraya bwagumye gushira imbere kuva mbere, aho mu minsi ishize bavuze ko igisubizo cya gisirikare leta ya Kinshasa ishira imbere kitakemura amakimbirane y’intambara mu Burasirazuba bwa Repubulika ya demokarasi ya Congo.
MCN.
