Ibintu byongeye kurushaho kuzamba mu Minkenke, nyuma yibimaze gukorwa na FARDC.
Abanyamulenge 6 bari bashimutiwe mu Mikenke muri teritware ya Mwenga mu Ntara ya Kivu y’Amajy’epfo, bashimuswe n’ingabo za Repubulika ya demokarasi ya Congo (FARDC), zifatanyije na Maï Maï, barekuwe nyuma yokubakubita bagahinduka intera. Bikaba byongeye gutuma ubwoba buba bwinshi muri aka gace.
Abari bashimuswe ni Bagaza, Muganga, Mfashingabo, Kumuntu n’umuhungu we, ndetse n’Umwengeri wabo.
Kuri uyu wa gatandatu igihe c’isaha z’igitondo nibwo bariya bagabo bashimuswe, bakaba bafashwe ubwo bari bajanye Inka zabo mu Mikarati.
Bivugwa ko iz’i nka ko bari bazihungishije abarwanyi bo mu mutwe wa Maï Maï bari bisutse mu Mikenke ari benshi, kandi ko kuza kwabo ari umusaada bari batanze ku ngabo za FARDC ziheruka kugaba igitero mu mahana wa Banyamulenge wo mu Kalingi kigasiga cishe abasivile.
Minembwe Capital News, amakuru imaze kwakira avuga ko aba bagabo, barekuwe mukanya gato hashize, ariko ko bakubiswe bahinduka ibikomere umubiri wose.
Ubuhamya bwanditse tumaze kwakira bugira buti: “Ba bantu bamaze kurekurwa. Ariko bahindutse ibisebe gusa! Nta nshusho bafite.”
Bukomeza bugira buti: “Rwose, byongeye gutuma haba ubwoba. Umutekano ni mubi hano mu Mikenke.”
Si ugukubitwa gusa, kuko bananyazwe n’ibyabo, bivugwa ko bambuwe inkweto n’imyenda yabo, barangije babaha inzira bagendesha ibirenge.
Ingabo za FARDC zikoze ibi mu gihe ku wa kane zishe Abanyamulenge bane, nyuma yokugaba igitero mu muhana wa Kalingi ho muri Minembwe.
Ibi bikaba byongeye gutuma ubwoba buba bwinshi ku baturiye i misozi miremire y’Imulenge.
