Ibya FARDC iri gutoroka ihunga Twirwaneho.
Amakuru ava mu Mikenke muri Secteur ya Itombwe, teritwari ya Mwenga mu Ntara ya Kivu y’Amajy’epfo avuga ko ingabo za Congo ziri gucika ziva muri ibyo bice nyuma y’ibitero zagabye mu mihana y’Abanyamulenge mu Minembwe.
Ibitero bya FARDC iheruka kugaba mu mihana y’Abanyamulenge mu Minembwe yabigabye ku wa gatatu, ku wa kane no ku wa gatanu muri iki Cyumweru turimo dusoza.
Ariko hakaba hari kindi gitero yagabye tariki ya 28/11/2024, ikigaba mu Kalingi.
Nyamara ibyo bitero bya FARDC buri uko yabigabaga, Twirwaneho yabisubizaga inyuma mu rwego rwo kwirwanaho no kurwanirira ababyeyi babo.
Twirwaneho mu kwirwanaho, amakuru avuga ko yakubitaga inshuro ingabo za Congo.
Bikemezwa ko FARDC yayitakarijemo ingabo nyinshi zibarirwa mu 85.
Ni mu gihe kandi ku wa Gatanu tariki ya 27/12/2024, iz’i ngabo za RDC zavuye mu Mikenke zigaba igitero mu Kalingi maze Twirwaneho irazikubita bikomeye, zihunga ubudahindukira, zisubira mu Mikenke.
Bikavugwa ko muri icyo gitero zagitakarijemo abasirikare bayo benshi abandi barakomereka.
Bikaba biri mu byatumye abenshi muri aba basirikare bahitamo gutoroka.
Andi makuru akavuga ko mbere yuko aba basirikare batangiye gucika bari bahawe itegeko ryo kongera kugaba ikindi gitero mu Kalingi. Bikaba biri mubyaziteye gutoroka ku bwinshi.
Hagataho, iz’ingabo mu gucika ziri kwerekeza inzira y’i Ndondo ya Bijombo zigakomereza Uvira. Abamaze ku menyekana ko bacitse babarirwa mu mirongo.
