Iby’abasirikare ba Afrika y’Epfo bazamuye ibendera ryera i Goma muri Kivu Yaruguru.
Ni amakuru yagiye atangazwa n’ibitangazamakuru byinshi, aho byavugaga ko abasirikare ba Afrika y’Epfo barwaniraga ku ruhande rwa Leta muri Goma bageze aho bazamura ibendera ryera bamanikira umutwe wa m23 amaboko.
Ahagana ku wa mbere w’iki Cyumweru turimo ni bwo byavuzwe ko ingabo z’Afrika y’Epfo zagaragaye mu mashusho zazamuye ibendera ryera.
Nk’uko bivugwa mu ntambara ibendera ryera cyangwa agatanbaro kera, ni ikimenyetso cy’uko uwabizamuye aba yemeye ko yatsinzwe urugamba; kandi ko adashaka ko imirwano yakomeza.
Ikindi nuko abasirikare bari kurugamba bakoresha kiriya kimenyetso , bagaragaaza ko bemeye gutanga amahoro.
Ni ubwo uburyo ingabo za Afrika y’Epfo zazamuye ibendera ryera, ibyavuzwe ko izo ngabo zamanikiye m23 amaboko.
Igisirikare cya Afrika y’Epfo, mu itangazo cyasohoye ku munsi w’ejo hashize tariki ya 28/01/2025, cyavuze ko ingabo zabo zazamuye ibendera ryera mu rwego rwo kubahiriza agahenge kemeranyijweho, mu rwego rwo kwemerera m23 gutwara imirambo n’inkomere zayo ziri mu birindiro byabo.
Cyagize kiti: “Amashusho arimo kwibazwaho y’ibendera ryera ryazamuwe, yabaye umusaruro w’ibiganiro byahuje impande zihanganye kugira ngo zemeranye ku gahenge ko kwemerera m23 gutwara imirambo n’inkomere ziri mu birindiro byacu.”
Cyunzemo kandi ko ibyabaye binemerera ingabo zayo kuzijana, kandi kivuga ko ari ibisanzwe mu ntambara.
