Iby’urupfu rwa Maj Gen Peter Cirumwami wishwe arashwe.
Guverineri w’i ntara ya Kivu y’Amajyaruguru, Maj Gen Peter Cirumwami Nkuba, yishwe arashwe n’abarwanyi bo mu mutwe wa M23, akaba yarasiwe mu rugamba rwaberaga i Kasegezi, nk’uko byemejwe n’umuvugizi wa M23 mu bya politiki, Lawrence Kanyuka.
Ahar’ejo ku mugoroba nibwo Lawrence Kanyuka yabitangaje akoresheje urubuga rwa x, aho yagize ati: “Umugabo mukuru w’igisirikare cy’umutwe wa FDLR, General Peter Cirumwami Nkuba, yapfuye. Yiciwe i Kasegezi ubwo yasuraga abari imbere ku rugamba kugira ngo yifotozanye na bo.”
Uyu mu Jenerali wishwe yakunze kugaragazwa nk’umwe mu bantu ba perezida Félix Tshisekedi ufata iya mbere mu gushikira cyane imitwe yitwaje intwaro irimo FDLR na Wazalendo.
No muri za raporo nyinshi z’impuguke za LONI zagiye zigaruka kuri Gen Peter Cirumwami, zigahamya ko ari we uri inyuma ya FDLR.
Apfuye mu gihe ahar’ejo tariki ya 23/01/2025, umutwe wa M23 wari watangaje ko uri mu nzira uja gufata umujyi wa Goma ufatwa nk’umurwa mukuru w’i Ntara ya Kivu Yaruguru mu Burasirazuba bwa Repubulika ya demokarasi ya Congo.
Ibi ukuba warabitangaje nyuma y’aho wari wafashe umujyi muto wa Sake uri muri teritware ya Masisi na Kanyamahoro iri muri teritware ya Nyiragongo.
Maj Gen Peter Cirumwami wapfuye akomoka mu ntara ya Kivu y’Amajy’epfo, akaba uwo mu bwoko bw’Abashi, yari amaze igihe kirekire akorera mu Burasirazuba bwa Repubulika ya demokarasi ya Congo.
Uyu yavuzwe cyane mu mwaka w’ 2022 ubwo yagirwaga umuyobozi w’ibikorwa bya gisirikare byo kurwanya umutwe wa M23 mu Ntara ya Kivu Yaruguru bizwi nka sokola 2.
Icyo gihe ni bwo hashize igihe gito imirwano y’ingabo za RDC na M23 yubuye.
Yagiye kuri uwo mwanya mu gihe Brigadier General Evariste Mwehu Lungu yarimo ashinjwa kunanirwa gutsinda M23.
Cirumwami amaze guhabwa izo nshingano, byagiye bivugwa ko ubwe yajyaga ku rugamba kuyobora ingabo zirwana na M23 cyane cyane muri teritware ya Rutshuru.
Ndetse kandi na M23 ubwayo yagiye ivuga ko yagiye imuhusha, kugeza ubwo hagiye hasoka n’amafoto amugaragaza yambaye inkweto zibushanye ahunga imirwano.
Hari nk’i mirwano yasize M23 yigaruriye Bunagana, muri iyi ntambara hagaragaye amafoto ya Cirumwami ahunga mu gihe aba yegerejwe gufatwa.
M23 yemeje ko yishe Cirumwami nyuma ya masaha make itangaje ko iri mu nzira ija gufata Goma.
