Localité ya Kibirizi ho muri teritware ya Rutshuru mu Ntara ya Kivu y’Amajyaruguru, ihuriro ry’ingabo za Repubulika ya demokarasi ya Congo rya yikuyemo risubira mu bice ryahozemo.
Ni ahagana isaha z’u mugoroba ihuriro ry’Ingabo za Guverinoma ya Kinshasa zivanye muri centre ya Kibirizi ni mu gihe iryo ihuriro ry’Ingabo za RDC zari zayigezemo isaha z’igitondo cyo kuri uyu wa Kane tariki ya 18/04/02024, nk’uko amakuru ava muri ibyo bice abivuga.
Amakuru avuga ko M23 ari yo yabanje kwivana muri Kibirizi mbere, mu ijoro ryo ku wa Gatatu, aho bayivuyemo baja mu bice bya Bwalanda naho ho muri teritware ya Rutshuru, mu Ntara ya Kivu y’Amajyaruguru.
Iminsi mirongwitatu irenga, ishize Centre ya Kibirizi yarigaruriwe n’igisirikare kiyobowe na General Sultan Makenga, nyuma y’urugamba rukaze rwabahanganishije n’abarwana ku ruhande rwa leta ya Kinshasa, izi ngabo kwivana kwazo muri iyi centre ya Kibirizi ntacyo bigeze babivugaho. Gusa ubwo ingabo za Repubulika ya demokarasi ya Congo n’abafatanya bikorwa babo bageraga i Kibirizi mu gitindo cy’ejo ku wa Kane, bahise batangaza ko bageze muri ibi bice nta rusasu ruvuze.
Nta kuri kuramenyekana ku mpamvu impande zose zivana muri iy’i Centre ya Kibirizi.
Amakuru avuga ko n’ingabo za RDC zayivanyemo ku mugoroba wajoro wo ku wa Kane, ariko kugeza ubu ntacyo barabivugaho.
Ku munsi w’ejo hashize umwe mu barwanyi ba M23 yahaye Minembwe Capital News ubutumwa bugufi akoresheje inyandiko, ni mu gihe yari abajijwe ko byoba ari ukuri M23 yivanye muri Kibirizi, yahise agira ati: “Muraza kumenyeshwa amakuru nyuma.”
Ku rundi ruhande ubu hari agahenge ntaho imirwano yigeze ivugwa mu bice byose biberamo mo imirwano kuva ku munsi w’ejo hashize.
Ariko bitandukanye n’iminsi ishize kuko hagiye haba intambara ninshi kandi mu bice bitandukanye.
MCN.
