Igisirikare cya RDC cyatakaje umusirikare wari indwanyi ikaze, muri Kivu Yaruguru.
Uwapfuye ni Lt Col Para Para wahanganyeho igihe kirekire n’umutwe wa M23 muri za teritware ya Masisi, Rutshuru na Nyiragongo, mu Ntara ya Kivu y’Amajyaruguru.
Amakuru avuga urupfu rwa Lt Col Para Para, yatangajwe bwa mbere n’igisirikare cya Repubulika ya demokarasi ya Congo, mu itangazo cyashize hanze ku wa Kane tariki ya 14/08/2024.
Gusa, nk’uko iki gisirikare cya leta ya Kinshasa cyabitangaje, ki binyujije mu itangazo, cyavuze ko Lt Col Para Para yazize uburwayi yari amaranye igihe gito.
Ariko hakaba hari amakuru yatangajwe binyuze ku mbuga nkoranya mbaga avuga ko uyu musirikare wari indwanyi ikomeye mu gisirikare cya FARDC ko yaguye mu mirwano yarimaze iminsi ihanganishije M23 n’ihuriro ry’Ingabo za RDC mu bice byo muri Grupema ya Binza, muri teritware ya Rutshuru.
Lt Col Para Para yahoze ari komanda w’ingabo za RDC zo muri batayo ya 111. Ikaba ari batayo ibarizwamo abarwanyi badasanzwe bo mu ngabo z’iki gihugu.
Hagati aho, impande zihanganye mu Burasirazuba bwa RDC, ziri mu bihe bya gahenge kemeranijweho mu masezerano y’i Luanda mu biganiro biheruka guhuza u Rwanda na Congo Kinshasa.
MCN.
