Igitero cya Israel cyo kwihorera kuri Iran cyahawe urwamenyo.
Ni igitero Israel yakoze ku mugoroba w’aherejo ku wa gatanu tariki ya 25/10/2024, aho yagikoze irasa ibisasu bya misili ku bigo byagisirikare byo muri Iran ariko ngo ntihagira ibyangirika nk’uko amakuru akomeje gutangazwa n’ibitangazamakuru bitandukanye.
Umuvugizi w’igisirikare cya Israel ari mubemeje iki gitero, aho yagize ati: “Ubu dushobora kwemeza ko twasoje igikorwa cyo kwihorera kwacu. Israel yagabye ibitero bisubiza ibyagabwe na Iran.”
Yunzemo kandi ati: “Twagabye ibitero simusiga kubigo bya gisirikare mu rwego rwo gukumira iterabwoba rya Iran.”
Abaturiye umurwa mukuru w’igihugu cya Iran, Tehran, bahaye urwamenyo icyo gitero cya Israel, ni mu gihe bumvikanye m’ubutumwa bw’amajwi bakomeje gutanga bakoresheje video, bavuga ko i Tehran hari umutekano wose, kandi ko hari n’abenegihugu batigeze bamenya amakuru yuko Israel yateye za misili mu gihugu cyabo.
Usibye nibyo, ngo nta n’umuturage wigeze aja kw’ihisha. Bamwe muri abo banyagihugu bagize bati: “Niba ari uku Israel yihoreye kuri Iran, ntabwo bisobanutse, na none kandi bafatanyije n’Abanyamerika, twebwe twabonye nta cyabaye pe! Nta n’igisasu nakimwe cyagize ibyo gikora ku butaka bwacu.”
Hagati aho, kuba Israel n’Amerika byakoze iki gitero kidakanganye, bishobora kuba batinye Iran ko ishobora kuzakora ibirenze muri Israel.
Ibyo binabaye mu gihe Amerika yari heruka guha inkunga mu byagisirikare ingana na biliyoni 8.7 z’amadolari y’Amerika, ndetse yongera ibaha n’izindi ndege z’intambara zikomeye.
Tubibutsa ko Iran igitero gikaze yagabye kuri Israel, yagikoze tariki ya 1/10/2024.
