Aka kanya ihuriro ry’Ingabo za Guverinoma ya Kinshasa, ziri kwiruka zihunga, aho ziri kugana i Kalehe mu Ntara ya Kivu y’Amajy’epfo, zivuye mu bice byo muri teritware ya Masisi, mu Ntara ya Kivu y’Amajyaruguru.
Ni ay’amasaha rwongeye kwa mbikana, hagati y’ihuriro ry’ingabo za leta ya Kinshasa, n’igisirikare kiyobowe na General Sultan Makenga, nk’uko ay’amakuru amaze guhabwa ubwanditsi bwa Minembwe Capital News, ayo dukesha abarwanyi ba M23 .
Ay’amakuru avuga ko imirwano yabereye neza Murambi no mu nkengero za centre ya Ngungu, muri teritware ya Masisi, ninyuma y’uko ihuriro ry’ingabo za leta ya Kinshasa ryari ryagabye ibitero ku ngabo za M23 ku gicamunsi cyo kuri uyu wa Kane, mu bice byari bigaruriye n’aba barwanyi ba M23 ku munsi w’ejo hashize.
Nyuma byaje gukomerera abarwana ku ruhande rwa Guverinoma ya Kinshasa, maze bayabangira ingata, abandi nabo babirukaho.
Minembwe Capital News yabwiwe ko kuri ubu, abarimo abasirikare ba FARDC, Ingabo z’u Burundi, abacanshuro, Wazalendo, FDLR na SADC bari guhungira mu misozi iherereye muri teritwari ya Kalehe, mu Ntara ya Kivu y’Amajy’epfo, bavuye i Murambi no mu bice biherereye mu nkengero za Ngungu.
Ku rundi ruhande, haravugwa ko ingabo z’u ruhande rwa leta ya Kinshasa, ahanini Aburundi bapfiriye muri iyo mirwano, mu buryo budasanzwe, nk’uko birimo ku vugwa n’abarwanyi ba M23.
Ubuhamya bugira buti: “Aha i Murambi, haguye abasirikare ba FARDC benshi, ariko cyane turi gusanga ari Abarundi.”
Iy’i mirwano yongeye kongera gukara muri iki Cyumweru, ni mu gihe impande zombi zari zimaze hafi igihe kingana n’ibyumweru bibiri hasa nahatuje, n’ubwo hagaiye haba guhangana kutari kunini muri Kibirizi no mu nkengero zayo.
MCN.
Comments 1