Ihuriro ry’Ingabo zirwana ku ruhande rwa leta ya Kinshasa ryakubiswe ahababaza mu mirwano yabaye kuri uyu wa Kane.
Ni imirwano yabereye ku misozi yu namiye Centre ya Sake, aho iyi ntambara yari hanganishije uruhande rwa M23 n’ihuriro ry’Ingabo za Repubulika ya demokarasi ya Congo, nk’uko iy’inkuru tuyikesha abaturiye ibyo bice.
Amakuru avuga ko uru rugamba ihuriro ry’Ingabo za Guverinoma ya Kinshasa zarukubitiwemo, ko kandi rwaguyemo n’abasirikare benshi bo ku ruhande rwa leta ya Kinshasa, abandi barufatirwamo matekwa, ndetse abandi baburirwa irengero.
Mu basirikare bo ku ruhande rwa leta ya Kinshasa baruguyemo harimo aba barirwa mu icumi bo mu ngabo za Afrika y’Epfo n’abandi batanu bafashwe mpiri.
Ay’amakuru anavuga ko kandi imodoka zifashishwa mu kujana ibikoresho by’agisirikare by’ingabo za leta ya Kinshasa zatwitswe izindi zifatwa n’abarwanyi ba M23.
Umurwanyi wo ku ruhande rwa M23 utemerewe gutanga amakuru, yabwiye Minembwe Capital News ko intambara yabaye kuri uyu wa Kane, yabereye isomo rishya ingabo za SADC ndetse n’izigihugu cya Repubulika ya demokarasi ya Congo.
Yagize ati: “Twaberetse ko tutiganye nabo. Bakubiswe kandi twabambuye n’imbunda zirimo n’izirasa kure.”
Yakomeje avuga ati: “Usibye kubakubita twanabishe, abandi bo muribo turabafite twabafashe amatekwa, yewe twafashe n’abasirikare ba Afrika y’Epfo bagera kuri batanu.”
Tubibutsa ko iyi mirwano yabereye ku musozi wa Madimba, Ngumba, Neenero, Karuba na Mushaki no ku muhanda wa Sake-Kirotshe.
Ikindi n’uko iyi mirwano yatangiye igihe c’isaha z’igitondo cyakare ikaba yagejeje ku masaha y’umugoroba. Ay’amakuru asoza avuga ko M23 yasubije inyuma ibi bitero kandi ikaba ikigenzura ibice yari isanzwe igenzura. Gusa ikomeje kuja imbere.
MCN.
Comments 1