Imfungwa zibarirwa mu ijana zatorotse gereza muri Repubulika ya demokarasi ya Congo.
Ni ku Cyumweru tariki ya 14/07/2024, abagororwa 85 batorotse gereza nkuru ya Manono, iherereye mu Ntara ya Tanganyika mu gihugu cya RDC, nyuma y’ukwezi kumwe izindi mfungwa 20 zitorotse.
Ay’amakuru yemejwe n’umuyobozi w’agateganyo wa teritware ya Manono, bwana Germain Mwamba. Avuga ko gutoroka kwabaye ahagana saa mbiri n’iminota 5 z’ijoro.
Yagize ati: “Dukurikije amakuru twakiriye hari ikibazo cy’abantu 85 bahunze. Ahagana mu ma saa mbiri n’iminota 5 z’ijoro ni bwo habaye gutoroka. Izi mfungwa mu gutoroka zaracukuye umwobo, zisenya fondasiyo ya gereza ndetse n’iyuruzitiro kugeza aho uburyo zifuzaga bubonetse, maze zose ziratoroka.”
Ibyo bibaye mu gihe kandi ku wa Gatatu tariki ya 26/06/2024, izindi mfungwa 20, zirimo abasivile n’abasirikare zaratorotse muri iyi gereza nkuru ya Manono. Kandi nyuma yo gutoroka nta zindi nkurikizi.
MCN.
