Imirwano ikomeye yongeye kubura i Rutshuru muri Kivu Yaruguru.
Honeye kuvugwa amakuru y’imirwano yaramukiye mu bice byo muri teritwari ya Rutshuru, hagati y’umutwe wa m23 n’ihuriro ry’ingabo za Guverinoma ya Kinshasa.
Ni imirwano yatangiye igihe c’isaha z’igitondo cya kare cyo kuri uyu wa 11/11/2024.
Agace iyi mirwano yavuzwemo ni aka Shonyi na Kavumu ho muri teritwari ya Rutshuru mu ntara ya Kivu y’Amajyaruguru.
Uruhande rwaba rwatangiye iyi mirwano, abaturiye ibyo bice baravuga ko ari uru rwana ku ruhande rwa Leta, ngo kuko ibiturika byumvikaniye mu duce dufitwe n’abarwanyi ba m23, bikavugwa ko bagabweho igitero.
Ku mu goroba wo ku Cyumweru, hari amakuru yaje avuga ko abarwanyi ba M23 bagaragaye kubwinshi bava mu gace ka Ruginga, ndetse ko bamwe muri abo barwanyi bakomeje bagana ahitwa Kabaya ho muri Rumangabo muri teritwari ya Rutshuru.
Umuturage watanze ubwo butumwa yagize ati: “Muri Ruginga, abasirikare ba M23 bari kuhava bakagana i Kabaya kuri iki Cyumweru. Ntabwo tuzi impamvu ariko bari kuza n’ibintu byabo byinshi birimo ibikoresho byagisirikare.”
Ibi bikavugwa ko biri mubyatumye umutwe wa M23 ugabwaho ibitero by’ingabo zo ku ruhande rwa Leta ya Kinshasa, n’ubwo ibitero by’izo ngabo ntacyo bihindura, ni mu gihe birangira n’ubundi Fardc n’abambari bayo bayabangiye ingata.
Gusa, ibyo bibaye mu gihe Leta Zunze Ubumwe z’Amerika zari zamaganye intambara ikomeje kubica bigacika mu Burasirazuba bwa RDC. Inasaba ko impande zihanganye muri Kivu Yaruguru zigomba kubahiriza agahenge kemeranyijweho mu biganiro by’i Luanda.
Happy