Imirwano yongeye kubura kuri uyu wa Kabiri, hagati ya M23 n’ihuriro ry’Ingabo zirwana ku ruhande rwa leta ya Kinshasa.
Ahagana isaha z’igitondo zishira muri saa sita z’amanywa, imirwano ikaze yongeye kwaduka mu bice byo muri teritware ya Masisi, mu Ntara ya Kivu y’Amajyaruguru, nk’uko iy’inkuru tuyikesha abaturiye ibyo bice.
Bavuga ko ihuriro ry’Ingabo z’ubutegetsi bwa Repubulika ya demokarasi ya Congo, rya gabye ibitero mu bice biherereye ku misozi iri hejuru ya Sake, ahari abarwanyi ba M23, nka hitwa Ndumba, Kabase na hitwa Mushirwa.
Ay’amakuru anavuga ko abasirikare batanu ba FARDC baguye muri ibi bitero, abandi 3 barakomereka bikabije.
Ibi bitero byagabwe mu birindiro by’umutwe wa M23, abarwanyi b’uyu mutwe babishubije inyuma, ndetse ngo bakomeza kuja imbere aho kuri ubu bari mu bice bya Bwerimana bagana i Minova, muri teritware ya Kalehe, mu Ntara ya Kivu y’Amajy’epfo.
Imirwano ikomeje gukara mu gihe impande zombi ziri mu minsi ya gahenge kasabwe na leta Zunze Ubumwe z’Amerika. Ni agahenge katangiye ku wa Gatanu w’iki Cyumweru dusoje.
Ariko imirwano ntiyigeze ihagarara kuku yahise yubura nyuma y’iminsi ibiri gusa agahenge gatangiye. Kugeza n’ubu imirwano irakomeje hagati y’impande zihanganye.
MCN.
