Indi ndwara y’inzaduka yateye mu gihugu kimwe cyo muri Afrika.

Indi ndwara y’inzaduka yateye mu gihugu kimwe cyo muri Afrika.

Ni indwara yagaragaye ku bantu bari mu mujyi wa Al-Hilali muri Sudan, aho ndetse imaze guhitana abagera kuri 73 mu minsi itarenze icyumweru.

Umujyi wa Al-Hilali usanzwe uzengurutswe n’abarwanyi b’umutwe wa Rapid Support Forces(RSF) barwanya ubutegetsi bw’iki gihugu cya Sudan.

Kubera intambara y’urudaca hagati y’uyu mutwe n’ingabo za Leta abantu bagera kuri miliyoni 11 bamaze kuva mu byabo. N’intambara kandi imaze guteza inzara ikomeye muri iki gihugu, ndetse ikaba yarateje ihagarikwa ryikoreshwa rya internet mu bice bimwe na bimwe byo muri iki gihugu iryanatumye kumenya amakuru arambuye y’ubu burwayi bw’inzaduka bukomeje kugaragara mu bavanywe mu byabo atabasha kumenyekana neza, nk’uko ibiro ntara makuru by’Abongereza byabitangaje.

Umwe mu baturage wo muri ibyo bice wavuganye n’ibiro ntara makuru by’Abongereza yavuze ko abantu batatu bo mu muryango we bahitanywe n’ubwo burwayi ariko yabimenye nyuma y’iminsi itatu abandi bamaze kugera mu bice bibonekamo internet.

Abaturage bashaka guhungira mu bice abandi benshi bakusanyirijwemo, basabwa kwishyura amafaranga menshi kuri za bariyeri z’abarwanyi ba RSF nk’uko bamwe babisobanura.

Imiryango irengera ikiremwa muntu ivuga ko ingabo za RSF ziheruka kugaba igitero mu musigiti wo muri uwo mujyi zigahitana abantu barenga bane.