Ingabo za MONUSCO zagawe mu kanama ka LONI gashinzwe umutekano ku Isi.
U Rwanda binyuze muri ambasaderi wayo mu muryango w’Abibumbye yagaragarije akanama ka Loni gashyinzwe amahoro ku isi ko ingabo z’u muryango w’Abibumbye zizwi nka MONUSCO zifatanyije n’iza FARDC zikorana byahafi n’umutwe wa FDLR n’indi mitwe ishinjwa kwica Abatutsi bo mu Burasirazuba bw’iki gihugu cya Repubulika ya demokarasi ya Congo.
Mu Nama idasanzwe y’akanama k’umuryango w’Abibumbye yateranye ahar’ejo tariki ya 26/01/2025, yiga ku kibazo cy’umutekano muke mu Burasirazuba bwa Congo, minisitiri w’ubabanye n’amahanga w’iki gihugu cya RDC, Thérèse Kayikwamba yongeye kurega u Rwanda, avuga ko ari rwo ruri kurwana n’ingabo za RDC mu ntambara isize umujyi wa Goma wigaruriwe n’umutwe wa M23.
Yabivuze mu gihe u Rwanda inshuro nyinshi rwagiye rugaragaza ko nta ngabo zarwo ziri mu Burasirazuba bwa RDC, rukavuga ko nta nyungu n’imwe rwakura mukuzohereza yo.
Muri iyi nama y’igitaraganya y’akanama k’umuryango w’Abibumbye yateranye ahar’ejo ku kibazo cy’umutekano muke mu Burasirazuba bwa RDC, ambasaderi w’u Rwanda muri uwo muryango w’Abibumbye, Rwamucyo Ernest yayivuzemo ko muri RDC hariyo imitwe yitwaje intwaro irenga 250 ikomoka imbere mu gihugu, na M23 ihanganyemo n’ingabo za RDC, hakaba kandi n’indi 14 ikomoka hanze irimo FDLR yasize ikoze jenoside mu 1994.
Avuga ko u Rwanda nta kibazo ruteje kuri MONUSCO, ndetse ko nta n’umuntu ukwiye kubangamira umutwe ushinzwe kurinda amahoro ariko ibikorwa by’izi ngabo bitajyanye n’inshingano zashyiriweho.
Yagize ati: “U Rwanda nta kibazo ruteje kuri MONUSCO, ndetse nta muntu ukwiye guhungabanya abashinzwe kugarura amahoro, ariko uko ibimenyetso bimeze, birivugira. U Rwanda hano ruvuga ibintu bitatu. Monuc ari yo yaje guhinduka MONUSCO yoherejwe muri RDC mu 1999, ubu ihamaze imyaka 26. Imyanzuro yashyizweho Monuc yaje kuba MONUSCO yayihaye inshingano zo gusenya FDLR ariko, ikibabaje ni uko kuva MONUSCO yagera muri RDC, ikibazo cy’umutekano muke cyakomeje kwiyongera.”
Yavuze kandi ko “MONUSCO yataye inshingano zayo zo kugarura amahoro no kurinda abasivile ikinjira mu ihuriro rya FARDC rifite umugambi wo guhirika ubutegetsi bw’u Rwanda na rwo kandi akaba ari igihugu kinyamuryango cya Loni. Iri huriro ryashinzwe na Leta ya Kinshasa, ririmo imitwe itandukanye yitwaje imbunda yahawe amabwiriza na perezida Félix Tshisekedi yo guhirika ubutegetsi bwa Kigali.”
Rwamucyo Ernest yagaragaje kandi ko MONUSCO ikwiye gushyira ingufu mu kurinda umutwe w’abasivile no kugarura amahoro aho kurwana ku ruhande rwa leta ya Kinshasa.
Yanahamije kandi ko imitwe yitwaje intwaro irimo FDLR na Wazalendo yakoze ibyaha bikomeye kandi bifite ingaruka ku buryo ingabo twashyizeho zidakwiye kwifatanya n’imitwe ikora ibikorwa nk’ibyo.
Igitangaje MONUSCO ishinjwa gukorana byahafi n’igisirikare cya RDC, mu gihe ubutumwa bwayo muri iki gihugu ari bwo buhabwa ingengo y’imari iruta ubwahandi hose ku Isi.
