Kumunsi w’ejo hashize tariki Cyumi zukwezi kwa Cyenda, ingabo za Repubulika ya Demokarasi ya Congo (FARDC) zakozanyijeho n’ingabo za Sudani y’Epfo zirwaniye mu Ntara ya Haut-Uele muri RDC. Aya namakuru yatangajwe n’inzego zishinzwe umutekano murico gihugu ca Congo Kinshasa.
Nkuko ayamakuru akomeza avuga nuko ingabo za Sudani y’Epfo zari zikurikiranye inyeshyamba za NAFSA mu gace ka Waliwa, agace ko muri Sheferi ya Logo Bagela, Teritwari ya Faradje, ku mupaka hagati ya RDC na Sudani y’Epfo.
Umuvugizi w’ingabo za FARDC muri Uéle bwana Captain Yuma Kisher, yagize ati: “Ingabo za Congo zashoboye gusubiza inyuma ingabo za Sudani y’Epfo zisubira hakurya y’umupaka. Nta nkomere cyangwa impfu ku ruhande rwa FARDC. Ku rundi ruhande, Hapfuye benshi abandi barakomereka ku ruhande rw’inyeshyamba za NAFSA n’ingabo za leta ya Sudani y’Epfo. Bose basubijwe mu gihugu bakomokamo kandi ituze ryagarutse.”
Umuvugizi w’ingabo muri kariya gace yasobanuye ko atari ikibazo cy’imirwano hagati ya FARDC n’ingabo za Sudani y’Epfo ahubwo ko ari ugukurikirana gusa izi nyeshyamba za NASFA.
Kuva mu mwaka wa 2020, bivugwa ko ingabo za Sudani y’Epfo zagiye zikorera ibikorwa inshuro nyinshi ku butaka bwa Congo. Sosiyete sivile muri iyi Ntara isobanura ko uko gucengera kw’izi ngabo za Sudani y’Epfo guterwa no kuba Leta itagenzura umupaka uhuza DRC na Sudani y’Epfo. Igasaba ko hakongerwa ubugenzuzi bwa gisirikare ku mipaka ihuza ibi b’ihugu byombi.
By Bruce Bahanda.
Tariki 11/09/2023.
