Ingabo z’u mutwe wa M23 zabohoje agace General Laurent Nkunda yavukiyemo ko muri teritware ya Rutshuru, mu Ntara ya Kivu y’Amajyaruguru.
Ni agace kitwa Mirangi, kari mu ntera y’ibirometre bike na village Lusuli kakaba kandi hafi na Localite Bilundule, niko M23 yafashe ku munsi w’ejo hashize nyuma y’uko hari habaye imirwano ikaze yahuzaga ihuriro ry’Ingabo za Guverinoma ya Kinshasa n’izuwo mutwe wa M23.
Amasoko yacu avuga ko iyimirwano yabaye kuri uyu wa Kane yasize M23 y’igaruriye n’utundi duce two muri yi teritware ya Rutshuru nka Bulindi na Birundure ndetse n’utundi duce two muri teritware ya Masisi.
Nk’uko ay’amakuru akomeza avuga n’uko M23 urugamba yarwanye rwo gufata aka gace Gen Laurent Nkunda yavukiyemo rwasize ingabo zo mw’ihuriro ry’Ingabo z’ubutegetsi bwa Kinshasa zihapfiriye ari ninshi, ni mu gihe hagaragajwe na mashusho y’imirambo yabo aho yagiye inyuzwa ku mbuga nkoranya mbaga.
Laurent Nkunda wavukiye mu gace ka Mirangi, yavutse kuya 2/02/1967. Azwi mu gisirikare cya Repubulika ya demokarasi ya Congo, kuva ku ntambara yiswe iya AFDL.
Ni umwe mu basirikare ba Banyekongo bavuzwe cyane, ahanini ya vuzwe mu mutwe wa CNDP uwo yari anabereye umuyobozi mukuru. Uyu mutwe warwanyaga ubutegetsi bwa Kinshasa.
General Laurent Nkunda yahoze ari umusirikare wa leta ya Kinshasa, aho yanayoboye brigade ya 81 nyuma kandi aza kuyobora brigade ya 84.
Avuga icyongereza, igifaransa, i lingala, igiswahili ndetse n’ikinyarwanda.
MCN.
