Imisozi y’u namiye Centre ya Sake, muri gurupema ya Kamuronza, teritware ya Masisi, mu Ntara ya Kivu Yaruguru, habereye imirwano ikomeye.
Ni imirwano yari ishamiranije M23 n’ihuriro ry’ingabo zirwana ku ruhande rwa Guverinoma ya Repubulika ya demokarasi ya Congo.
Iyi mirwano yu mvikanyemo imbunda ziremereye n’izito, guhera igihe cya masaha ya kare kugeza ahagana ku masaha y’igicamunsi, nk’uko abari muri ibyo bice babivuga.
Bavuga ko iyo mirwano yabereye neza mu duce twa Vuvano, Kiuli na Mwambariro. Utu duce tukaba turi ku misozi iri hejuru ya Sake, muri teritware ya Masisi, mu Ntara ya Kivu Yaruguru.
Umwe mu banyamakuru ba RDC ukurikiranira hafi intambara ibera mu Burasirazuba bwa Repubulika ya demokarasi ya Congo, Justin Kabumba, yatangaje ko ihuriro ry’ingabo za Guverinoma ya Repubulika ya demokarasi ya Congo, ryagabye ibitero mu birindiro bya M23 ku misozi iri mu nkengero za Sake.
Yagize ati: “Kuri uyu wa Gatandatu, tariki ya 06, ukwezi kwa kane, uy’u mwaka ingabo za leta zagabye ibitero mu birindiro bya M23, ku musozi wa Vuvano, Kiuli na Mwambariro.”
Yakomeje agira ati: “Byarangiye M23 iteye ibisasu i Mubambiro.”
Ku rundi ruhande umuvugizi wa M23 mu bya politiki, Lawrence Kanyuka yashinje ihuriro ry’ingabo za Guverinoma ya Kinshasa, gutera ibisasu mu bice bituwe n’abaturage.
Yagize ati: “Abaturage baturiye Mushaki, babyukiye ku bisasu biterwa n’ihuriro ry’ingabo za Guverinoma ya Kinshasa.”
Kanyuka yakomeje avuga ko ibyo bisasu byarashwe n’ihuriro ry’ingabo za Guverinoma ya Repubulika ya demokarasi ya Congo ko byishe abantu batatu b’abasivile abandi benshi barakomereka.
Intambara mu Burasirazuba bwa RDC imaze imyaka irenga ibiri, aho abaturage babarirwa muri za miliyoni bamaze guta izabo abandi n’abo babarirwa mu bihumbi amagana bamaze guhitanwa niyo ntambara.
Kugeza ubu nta bushake leta ya Kinshasa igaragaza kugira ngo habe kuganira n’abo bahanganye, ni mu gihe M23 yo ivuga ko ishyira ibiganiro imbere kuruta gukoresha imbaraga za gisirikare.
MCN.
