Kuri uyu wa Gatandatu, tariki ya 27/04/2024, ihuriro ry’Ingabo z’ubutegetsi bwa Repubulika ya demokarasi ya Congo, rya kozanijeho n’ingabo z’u mutwe wa M23.
Ni imirwano yabaye igihe cya masaha aja kuja mu masaha ya saa sita z’igicamunsi cyo kuri uyu wa Gatandatu, nk’uko iy’inkuru Minembwe Capital News tuyikesha bamwe mu barwanyi ba M23.
Uko gukozanyaho kwa baye hagati ya M23 n’ihuriro ry’Ingabo za Guverinoma ya Kinshasa, kwa bereye neza mu nkengero za Centre ya Kibirizi, muri teritware ya Rutshuru, mu Ntara ya Kivu y’Amajyaruguru.
Minembwe Capital News yabwiwe ko ari FARDC n’abambari bayo Wazalendo, FDLR n’Ingabo z’u Burundi ndetse na SADC bagabye ibitero ku ngabo ziyobowe na Gen Sultan Makenga, ariko ko iyo mirwano itigeze ihira abarwana ku ruhande rwa leta ya Kinshasa, ni mu gihe M23 yahise ibatsaho umuriro birangira FARDC n’abambari bayo bakijijwe n’amaguru.
Kugeza ubu M23 iracyagenzura ibice byose yagiye ifata kuva mu mpera z’u kwezi kwa Kabiri, byo muri Rutshuru, Nyiragongo no muri teritware ya Masisi.
Iyi mirwano yabaye mu gihe no ku munsi w’ejo hashize impande zombi zari zacakiranye muri Rwindi no mu bindi bice byo muri teritware ya Masisi, naho birangira M23 isubije inyuma ibyo bitero yari yagabweho n’ihuriro ry’ingabo za leta ya Kinshasa.
MCN.
