Lt Col Emmanuel Katabazi, yavuze y’uko muri Repubulika ya Demokarasi ya Congo haba hagiye kwaduka intambara ikomeye.
Yanditswe na: Bruce Bahanda, kw’itariki 01.6.2023, saa 6:07pm, kumasaha ya Bukavu na Minembwe.
Lt Colonel Katabazi, usanzwe ariwe muyobozi mukuru wungirije w’Urwego rushinzwe umutekano w’Imbere muri Uganda(ISO).
Irishamyi (ISO), niryo risanzwe rishinzwe iperereza ry’imbere mugihugu ca Uganda.
Uyumuyobozi waryo wungirije yatanze Ikiganiro avuga ko muri Republika ya Demokarasi ya Congo ko haba hagiye kwaduka intambara ikomeye!! iki kiganiro yagitanze ubwo yaganira ga n’abakuriye inzego zishinzwe umutekano mu turere twa Uganda duhana imbibi na Congo Kinshasa.
Igitangaje yavuze ko iyo ntambara ko mugihe ibaye ngo ishobora gusakiranya za leta zibiri ibi yabivugaga asaba abashinzwe umutekano mugihugu cye kuba maso cyane, mu rwego rwo kwitegura ibibazo bishobora kuzaterwa n’iriya ntambara dore ko Uganda ihanye imbibi na RDC, nkuko tubikesha Ikinyamakuru cya Daily Monitor.
Yagize ati: “Ku bw’ibyo rero bayobozi b’uturere duturiye umupaka, nimwitegure kandi mukaze ikusanya ry’amakuru y’ubutasi, mwebwe abakuriye umutekano imbere mu turere.”
Lt. Colonel Katabazi yatangaje ibi, mu gihe byari byitezwe ko muruku kwezi kwa Gatandatu, ingabo za EAC zishobora guhambira zigasubira mubihugu byabo nkuko President Félix Antoine Tshisekedi wa Congo Kinshasa yaraheruka gutangaza ko Ingabo za EAC zigomba kuba zamaze kuva ku butaka bw’igihugu cye, mu gihe zaba zitisubiyeho ngo zihangane n’Ingabo za M23.
Byitezwe ko kandi ingabo z’umuryango w’ibihugu bya Afrika y’Amajyepfo (SADC), zishobora kugera kubutaka bwa RDC muminsi ya vuba nkuko bigaragara mwitangazo Inama yahuje ibihugu bihuriye mumuryango wa SADC ryabivugaga ryo kw’itariki 08.05.2023.
Naho kuri uyu wa Gatatu tariki ya 31.05.2023, i Bujumbura mu Burundi hateraniye inama igira iya 21 y’abakuru b’ibihugu bya EAC yigaga ku ngingo zirimo ibibazo biri muburasirazuba bwa Republika ya Demokarasi ya Congo; iyi nama yasize yongeye indi Manda ingabo za EAC ziri mubutumwa bwa mahoro muburasirazuba bw’iki gihugu.
Ni inama yabaye nyuma y’indi iheruka guhuza Abagaba bakuru b’Ingabo z’ibihugu bya EAC.
Lt Colonel Katabazi cyakora yavuze ko muri Congo Kinshasa hagiye kuba intambara, ikindi ko ngwishobora kuzaba ikomeye cyane.
Colonel Katabazi ntiyigeze atangaza leta z’ibihugu iyo ntambara ishobora kuzasiga isenye.
Amagambo ye cyakora yaje mu gihe Congo Kinshasa na M23 buri ruhande ruri gushinja urundi kwisuganya mu rwego rwo gutangiza intambara.
Umuvugizi w’Igisirikare cya Congo (FARDC) aheruka gutangaza ko M23 ifatanyije n’Ingabo ziyifasha kurwanya Kinshasa ko bari kwisuganya ngo bagabe igitero simusiga cyo gufata Umujyi wa Goma.
Naho Major Willy Ngoma, Umuvugizi w’Igisirikare ca M23 we kumunsi w’ejo hashize yashinje leta ya RDC kuba ari yo imaze igihe yitegura intambara; ibyo avuga ko bishimangirwa n’abayobozi bayo.
Ati: “Niba warumvise ibyo President Félix Tshisekedi ubwe yavuze ko ari igihe cyo kwikiza abaduteye; niba ukurikira ibyo Jean Pierre Bemba yavuze mu nama y’abaminisitiri ko biteguye intambara…Duherutse nokunva ubutumwa bwa komanda wa Opération Sokola II muri Kivu ya Ruguru, ahamagarira ingabo ze ngo zitegure mu buryo bwose bushoboka.”
Major Willy Ngoma avuga ko hejuru y’aya magambo Congo Kinshasa imaze iminsi ihugiye mu kugura za drones z’intambara ndetse n’intwaro zitandukanye; ibi bishimangira ko nta kindi leta ya Kinshasa ishyize imbere kitari intambara.
