Lt Gen Masunzu yageze i Lubumbashi nyuma y’amezi menshi atahagera.
Lieutenant General Pacifique Masunzu, umusirikare muri Repubulika ya demokarasi ya Congo, yongeye kugera i Lubumbashi mu cyahoze cyitwa Katanga, nyuma y’igihe yarahavuye.
Mu masaha make ashize yo kuri uyu wa kabiri tariki ya 31/12/2024 ni bwo Gen Masunzu yakandagije ibirenge bye i Lubumbashi, aho yageze avuye i Kinshasa ku murwa mukuru w’i Gihugu cya RDC.
Amezi umunani yari arangiye uyu musirikare w’inyenyeri zitatu avuye i Lubumbashi ni mu gihe yari yahamagawe i Kinshasa, aho ndetse bamwe baheraho bavuga ko Leta ya perezida Félix Tshisekedi yashakaga ku mufunga ku mpamvu za politiki y’iki gihugu.
Aha i Kinshasa akaba yaramaze ayo mezi yose adakora, ndetse hari n’amakuru yabanje kuvugwa ko yigeze guhamagarwa muri Demiap (urwego rukuriye iperereza ry’igisirikare cya Congo).
Nyuma ni bwo perezida Félix Tshisekedi yakoze impunduka mu gisirikare cy’iki gihugu cya RDC; ni impunduka zatunguye benshi ubwo zasize uyu musirikare ufite ipeti rya Lieutenant General, Pacifique Masunzu ahawe kuyobora zone ya gatatu.
Mbere y’uko amara ayo mezi umunani ari i Kinshasa yari ayoboye zone ya kabiri ifite icyicaro gikuru i Lubumbashi.
Bikavugwa ko kuri uyu munsi yagiriye uruzinduko i Lubumbashi mu rwego rwo kugira ngo akore ihererekanya bubasha n’undi wahawe kuyobora iyi zone.
Ariko nk’uko byavuzwe iyo remise ashobora kuzayikora hagati yo ku wa kane no ku wa gatanu umwaka utaha w’2025.
Hagataho, Masunzu nawe ubwe, azatangira imirimo yo muri zone ya gatatu i Kisangani uyu mwaka tugiye kwinjiramo, nko mu Cyumweru gikurikira iki turimo.
