M23 ngoyamaze kubona umuti wokuvugutira FARDC, FDLR na Wazalendo naho Imbonerakure zamaze kwivanga na FDLR.

Intambara ikomeje kubica bigacika M’uburasirazuba bwa Republika ya Demokarasi ya Congo, nimugihe i Nyeshyamba za Wazalendo zivuga ko zongeye kwigarurira Kitshanga, nagace ka Nturo ndetse n’igice cya Kilolirwe kuri iki Cyumweru, tariki ya 08/10/2023.

Mu makuru Minembwe Capital News ifite yizewe dukesha Isoko yacu nuko izi nyeshyamba za Wazalendo zidafite amasasu ahagije yatuma zinesha umutwe wa M23, ndetse na FARDC ikomeje kuvuga ko yubahiriza ihagarikwa ry’imirwano.

Kuri iki Cyumweru mu gitondo, havuzwe imirwano ahantu hatandukanye hagati y’imitwe yitwaje imbunda ya Wazalendo n’inyeshyamba za M23. Muri ibyo bice harimo igice cy’amajyaruguru ya Kiwanja, muri Teritwari ya Rutshuru, no hafi ya Kilolirwe na Kitshanga, muri Teritwari ya Masisi. Nk’uko amakuru aturuka muri utwo turere abivuga, mu gihe ubukana bw’amasasu bugenda bugabanuka, ngo inyeshyamba za Wazalendo zakomeje gutera imbere mu bice bitandukanye.

Ku murongo wa Rutshuru, hagati ya saa kumi n’imwe na saa moya za mu gitondo ku isaha yaho humvikanye urusaku rw’imbunda ziremereye n’izoroheje mu bice byo mu majyaruguru no mu majyaruguru y’uburasirazuba bwa Kiwanja. By’umwihariko ni muri Kahunga, ku muhanda wa Mabenga-Rwindi, ku birometero 6 uvuye Kiwanja, no muri Kinyandonyi na Ngwenda, nko mu birometero 12 uvuye Kiwanja ku muhanda werekeza Nyamilima.

Abayobozi ba M23 bakomeje kuvuga bakoresheje urubuga rwa Twitter ko ibitero bya Wazalendo byagabwe icyarimwe byibasiye ibirindiro byabo muri utwo turere dutatu, tugize teritware ya Masisi, Rutshuru na Nyiragongo, nkuko babivuga, ibisasu biri kuraswa nta kurobanura kandi bikica abaturage.

Umuvugizi wa M23 mubyagisirikare yatangaje ko ibitero bya FARDC, FDLR, abacanshuro(Wagner) na Wazalendo, babigabye ahantu hatandukanye kandi ko bikomeje. Yavuze ko abavanwe mu byabo n’imirwano bahungiye kuri M23 bahunga ibisasu bya guverinoma biri guterwa nta kurobanura ariko ko M23 ikomeje kwirwanaho kinyamwuga.

Harandi makuru Minembwe Capital News, yamaze kwakira yizewe avuga ko ingabo za Republika ya Demokarasi ya Congo, zomwitsinda rya Hiboux, bamaze kwinjira muntambara yoguhangana na M23 aho amakuru avuga ko muririjoro ryakeye rishira kuri ki Cyumweru aba ba Hiboux bagabye ibitero Mugicwa ndetse no munkengero za Kilolirwe.

Gusa iy’imirwano ngo ntiyigeze ihira aba basirikare bo mwitsinda rya Hiboux nimugihe bahise basubizwa inyuma hubwo baja kwiyambaza FDLR. Hakaba harandi makuru avuga ko ingabo z’u Burundi zari mubice bya Minova muri Kivu yamajy’Epfo, bamaze koherezwa muri Kivu y’Amajyaruguru.

Uyu muvugizi wa M23, mubyagisirikare Major Willy Ngoma, yatangaje ko Kuri iki cyumweru mu mi rwano yabereye Masisi, Kinyandonyi, Nyiragongo barashweho n’indege ko kandi ingabo z’u Burundi zaje mu butumwa bwa EAC ko zamaze kwivanga na FARDC , FDLR , Nyatura,abacanshuro … Aho ku munsi wejo mu rugamba barwanaga zari zambaye imyenda ya FARDC zabona bikomeye zikambara imyenda ya EAC. Gusa Willy Ngoma yavuze ko M23 yamaze kubona ico iri bukorere izi ngabo z’u Burundi.

By Bruce Bahanda.

Tariki 08/10/2023.