M23 nyuma yogufata umujyi wa Minova yafashe utundi duce twingenzi muri Kivu y’Epfo.
Nyuma y’urugamba rukomeye hagati ya M23 n’ihuriro ry’Ingabo za Repubulika ya demokarasi ya Congo, uyu mutwe wa M23 wigaruriye umujyi wa Minova wongera ufata n’ibindi bice birimo Nyabibwe.
Ni kuri uyu wa mbere tariki ya 20/01/2025, imirwano yakomereje mu duce duherereye muri teritware ya Kalehe, aho byavugwa ko uyu mutwe ukomeje kwagura ibirindiro byawo ugenzura muri iyi ntara ya Kivu y’Amajy’epfo.
Mu mpera zakiriya Cyumweru ni bwo imirwano yavuye i Masisi yimukiye muri Kivu y’Epfo, kandi naho uyu mutwe ukaba wamaze kwigaruriye ibice byinshi bitandukanye byaho, birimo centre ya Minova yari inzira y’ingabo z’u Burundi n’indi mitwe nka Wazalendo, bakoreshaga batabara FARDC muri Kivu Yaruguru aho igize igihe ikubitwa kubi n’uyu mutwe wa M23.
Amakuru avuga ifatwa rya Minova ryatangiye kuvugwa ku mugoroba w’ejo hashize, mbere y’uko M23 iyemeza muri iki gitondo cyo kuri uyu wa kabiri.
Imirwano yakomeje gukomera muri teritware ya Kalehe, aho uruhande rwa Leta ya Kinshasa, rugizwe na FARDC, ingabo z’u Burundi, abarwanyi bo mu mitwe itandukanye nka Wazalendo na FDLR, rwagiye rukubitwa kubi kandi rukamburwa n’imijyi ikomeye, nka Numbi, Shanje n’ahandi.
Nyamara kandi no muri iki gitondo cyo kuri uyu wa kabiri, uyu mutwe wa M23 wigaruriye indi mijyi irimo centre ya Localité ya Nyabibwe n’utundi duce duherereye muri ibyo bice.
Gufata aka gace ka Nyabibwe na Minova, biri mu bizafasha M23 guhangana n’ibitero bikomeye by’ingabo z’u Burundi, zimaze iminsi zihanganye n’uyu mutwe mu mirwano ikomeye.
Umutwe wa M23 wari uherutse gutangaza ko u Burundi bukomeje kongera abasirikare muri RDC, aho wavuze ko nyuma yuko perezida Félix Tshisekedi agiriye uruzinduko mu Burundi, iki gihugu cyongereye umubare w’abasirikare.
Mu kiganiro umuvugizi wa M23, Oscar Barinda aheruka kugirana na BBC, yagize ati: “Ejobundi umukuru w’igihugu cya RDC, Tshisekedi yagiye i Bujumbura gusaba izindi ngabo zo kugira ngo zize kuturangiza. Bohereje amakamyo 22 ava i Bukavu aza ahitwa i Kalehe bashaka kudutera ahitwa i Ngungu ngo baturangize.”
Ni mu gihe kandi umuvugizi w’igisirikare cy’u Burundi, brigadier general Gaspar Baratuza mu kiganiro yagiranye n’itangaza makuru mu Cyumweru gishize i Bujumbura mu Burundi, yemeye ko hari abasirikare b’iki gihugu bakomeje kuburira ubuzima muri iyi ntambara barimo mu Burasirazuba bwa RDC, ariko aza gusoza avuga ko kwariko urugamba rumera, kuko haba abapfa n’abakomereka ndetse nabafatwa amatekwa.
