Ingabo za M23 zibona ko gusubira mu gace ka Mushaki kw’ingabo za Repubulika ya demukarasi ya Congo, FARDC, no kuba Kinshasa yaratangaje ko igiye gushora i Ntambara kuri M23 uyu mutwe wo ngu bibona ko aribyago bikomeye Kinshasa iri kw’ikururira .
FARDC yageze mugace ka Mushaki tariki ya 22/09/2023 ubwo Guverineri w’i Ntara ya Kivu y’Amajyaruguru akaba n’umuyobozi w’ibikorwa bya gisirikare, Major Gen Peter Cirimwami Nkuba, yasuraga aka gace kahora kagenzurwaga n’ingabo z’u Burundi ziri mu butumwa bw’umuryango wa EAC.
Amakuru yo kuba izi ngabo zarasubiye muri Mushaki yemejwe n’ibiro by’i Ntara ya Kivu y’Amajyaruguru uwo munsi, aho byagize biti: “Major Gen Perer Cirimwami kuri uyu wa Gatanu tariki ya 22/9/2023 yageze muri Mushake muri teritwari ya Masisi. Yatangaje kugaruka kwa FARDC muri aka gace, hamwe n’ingabo z’u Burundi, atanga ubutumwa bwo kudafungura amarembo y’ibiganiro na M23.”
Umuvugizi wa M23 mu rwego rwa politiki, Lawrence Kanyuka, kuri uyu wa Gatatu, tariki 27/09/2023 yasabye ko Leta ya RDC ifatirwa ibihano, kuko ngo yarenze ku myanzuro y’amahoro y’abakuru b’ibihugu byo muri EAC, isubiza ingabo muri Mushaki.
Kanyuka yagize ati: “Hari ukohereza abasirikare n’ingabo za UDPS (Ishyaka riri ku butegetsi) muri Mushaki. Ni ukwica ihagarikwa ry’imirwano n’icyemezo cy’abakuru b’ibihugu cyafatiwe mu Nama ya Bujumbura ku tariki 4/02/2023. Turasaba akarere kubishingiraho bagafatira Kinshasa ibihano.”
Perezida wa M23, Bertrand Bisimwa, na we aremeza ko amagambo Perezida wa RDC, Félix Tshisekedi, agaragaza ko adashaka ko imirwano ihagarara.
Ati: “Birakwiye kumenya ko ibyo Perezida Tshisekedi yabwiye UN ari ukurenga kweruye ku myanzuro y’i Nama idasanzwe ya EAC yabereye i Bujumbura tariki ya 4/2/2023. Guhagarika imirwano no kuva mu bice kwa M23 gukwiriye kujyanirana n’ibiganiro.”
Bisimwa yatangaje ko ubutegetsi bwa RDC bwagize amahitamo mabi yo kunyeganyeza inzira y’amahoro no gutesha agaciro umuhate w’abakuru b’ibihugu bya EAC, ashyira imbere intambara, bityo ko agomba kwirengera ingaruka zayo.
Yagize ati: “Perezida Tshisekedi yihakanye umukono yashyize kuri iyi myanzuro, ahitamo intambara nk’uburyo rukumbi rwo kugera ku mahoro. Akwiye kwirengera ingaruka z’intambara. Abaturage batubere abagabo, M23 izirwanaho.”
Leta ya RDC yari yatangaje ko izatangira kurasa kuri M23 niba itarava mu bice yafashe kugeza tariki ya 24/09. Ubu butegetsi burashinja uyu mutwe kutubahiriza imyanzuro y’abakuru b’ibihugu bya EAC.
By Bruce Bahanda.
Tariki 27/09/2023.
