M23 yacinye akadiho nyuma yogufata uduce twingenzi muri Kivu Yaruguru.
Mu mirwano ikomeye yabaye ahar’ejo umutwe wa M23 wigaruriye ibice bitandukanye byo muri teritware ya Lubero, mu ntara ya Kivu y’Amajyaruguru.
Iyi ntambara yabaye ku wa mbere tariki ya 16/12/2024 uyu mutwe wa M23 wafashe umujyi muto wa Matembe n’utundi duce turimo Alimbongo.
Umuvugizi wa M23 mu bya gisirikare, Lt Col Willy Ngoma yemeje aya makuru aho yavuze ko uduce turimo Matembe ya mbere n’iya Kabiri na Vutsumbiro , atari two twonyine bafashe ngo kuko bafashe na hitwa Alimbongo mu birometero 60 uvuye muri centre ya Lubero.
Hari n’amashusho Willy Ngoma yagaragaje aho yari kumwe na Laurence Kanyuka umuvugizi wa M23 mu bya politiki bari iruhande rw’imodoka y’igisikare cya FARDC batwitse bahunga.
Iyi mirwano yabaye ku wa mbere yaje ikurikira iyabaye ku Cyumweru nayo yasize M23 yambuye ihuriro ry’Ingabo za RDC utundi duce duherereye hafi na Centre yo muri Lubero.
Kimweho Colonel Kiwewe w’ingabo za RDC uyoboye teritware ya Lubero yahumurije abaturage, ndetse abasaba gutuza anababwira ko FARDC ikigenzura uduce twinshi two muri teritware ya Lubero.
Ku rundi ruhande FARDC ikomeje kwongera abasirikare muri ibyo bice ariko kandi na M23 nayo n’uko kuko abarwanyi bayo bakomeje kwiyongera muduce bafashe, nk’uko iy’inkuru yatangajwe na radio okapi.
