Menya amabuye y’agaciro ahenze kurusha ayandi ku Isi.
Nubwo muri rusange ahenze, ariko aya mabuye y’agaciro ntagura kimwe ku isoko. Hari n’ubwo usanga igiciro cya rimwe gikubye icy’irindi inshuro hafi igihumbi.
Uribaza ko irihenze kurusha irindi muri uyu mwaka w’2024 nirihe? Aha ikinyamakuru cya Finance Online cyibanda cyane kuby’ishoramari cyatanze igisubizo, ndetse kigaragaza ko “Blue Diamond” ari yo ihenze cyane kuko karito yayo imwe igura hafi miliyoni $4.
Muri iyi inkuru, kiriya kinyamakuru cyatugaragarije amabuye y’agaciro 10 ahenze kurusha ayandi muri uyu mwaka.
- Blue Diamond: Agaciro kiri buye kageze kuri miliyoni 3.93. Guhenda kwaryo bishingira ku kuba ari imbonekarimwe, uko rirabagirana, ndetse no gukomera Bivugwa ko rikunzwe cyane n’abantu benshi ugereranyije n’andi mabuye y’agaciro, rikoreshwa mu by’inkundo, kandi ryamamazwa kenshi.
- Musgravite: Iri ryavumbuwe muri Australia mu 1967 ariko ntiriboneka ku isoko cyane. Nyuma y’aho ryabonetse no muri Madagascar, ribarwa muyimboneka rimwe kuko karito yaryo imwe igura ari hagati ya $3,000 na $50,000. Agaciro karyo mu 2024 kageze ku $35,000 kuri karito imwe.
3.Jadeite: Bizwi ko karito yayo imwe mu 2024 igurwa $20,000. Rikunze kuboneka muri Mynmar, abenshi mu barigura bakaba barikoresha mu migenzo y’iyobokamana, ubuvuzi, intwaro gakondo, ndetse no mu mikufi(bijoux).
- Alexandrite: Agaciro k’iri buye kageze ku $12,000 kuri karito imwe mu 2024. Ryagaragaye bwa mbere mu Burusiya mu myaka ya 1840, rikaba rishyirwa ku rutonde rw’ahenze kandi adapfa kuboneka kuko karito imwe yaryo igura hagati ya $10,000 na $50,000. U Burusiya ni bwo bwakomeje gufatwa nk’igicumbi cyaryo, ariko ryaje kuboneka no muri Sri Lanka, Brazil, no mu bice bimwe byo muri Afrika y’iburasirazuba.
- Red Beryl: Karito imwe y’iri buye igura $10.000 mu 2024. Riboneka bigoranye kurusha “diamond” ndetse inshuro igihumbi. Kuva ryavumburwa n’umunyamerika Maynard Bixby mu 1904, riboneka ahantu hamwe ku Isi, mu misozi ya Wah Wah iherereye mu muri Utah, muri Leta Zunze ubumwe z’Amerika. Karito imwe y’iri buye usanga akenshi igura hagati ya $10,000 na 100,000.
- Padparadscha Sapphire: Karito imwe y’iri buye igeze kuri $8,000 mu 2024. Rikunze gucukurwa muri Sri Lanka ariko riboneka no muri Madagascar na Tanzania. Gusa iyo ricukuwe muri Sri Lanka ni bwo agaciro karyo kaba kari hejuru cyane bitewe ahanini n’ibara.
7.Benitoite: Agaciro ka karito imwe y’iri buye mu 2024 kageze ku $3,800. Riboneka cyane i California muri Leta Zunze ubumwe z’Amerika, ari naho ryavumbuwe mu 1907. Ryabanje kwitiranywa n’iryitwa sapphire, bimenyekana ko ryihariye mu 1985. Ribarwa mu riboneka gake kandi rihenze kuko karito yayo imwe hari ubwo igura arenga $10,000. Uretse muri Carfonia, iri buye ryabonetse muri Arkansa no mu Buyapani.
- Black Opal: Karito imwe y’iri buye mu 2024, iragurishwa $3,500. Riboneka cyane muri Australia kuva mu 1977 kandi nabwo hake cyane, mu mabara atandukanye arimo umutuku, icyatsi, cyangwa ubururu. Magingo aya aho riboneka cyane ni muri New South Wales, karito imwe y’iri buye igura hagati ya $3,000 na $10,000.
- Demantoid Garnet: Karito imwe y’iri buye mu 2024 irabarirwa agaciro ka $3,300. Ryavumbuwe na Nils Gustaf Nordenskiöld mu Burusiya, mu kinyejana cya 19. Ribarwa mu mabuye y’agaciro aboneka gake cyane kuko mu Burusiya ni ho hagifatwa nk’igicumbi cyaryo, ndetse biragoye ko wabona irirengeje karito 10 kuko akenshi aya mabuye aba ari mato.
- Taaffeite: “Karito imwe y’iri buye ihabwa agaciro ka $2,500 mu 2024. Bivugwa ko riboneka gake inshuro miliyoni ugereranyije na ‘diamond; Ryavumbuwe bwa mbere n’umunya-irlande Edward Charles Richard Taaffe mu 1945, rikaba ryarabonetse muri Sri Lanka, Tanzania n’u Bushinwa. Karito imwe y’iri buye igura hagati ya $2,000 na $4,000, nubwo hari iri shobora guhenda cyane nk’indobanure ikageza ku $35,000. Ikunze kwifashoshwa mu ikorwa ry’imikufi.
