Menya utundi duce twafashwe n’umutwe wa M23 ndetse naho uri kwerekeza ugira vuba na bwangu.
Ni mu mirwano yabaye ku mugoroba wo ku wa Gatatu tariki ya 21/08/2024, aho yari shamiranije umutwe wa M23 n’ihuriro ry’Ingabo z’ubutegetsi bwa perezida Félix Tshisekedi, mu duce two muri teritware ya Masisi, mu Ntara ya Kivu Yaruguru.
Amakuru yatangajwe kuva ku munsi w’ejo hashize, yavugaga ko ihuriro ry’Ingabo za RDC ryagabye ibitero ahatuwe n’abaturage no mu birindiro bya M23 byo muri Masisi.
Iyi mirwano irimo kuba mu gihe i Luanda muri Angola hari kubera ibiganiro ahanini bigamije gushakira amahoro u Burasirazuba bwa RDC, byahuriyemo abategetsi b’u Rwanda n’aba Repubulika ya demokarasi ya Congo ku buhuza bwa João Lourenço perezida wa Angola.
Nanone kandi iyi mirwano ikomeje kuba mu gihe impande zihanganye ziri mu gihe cya gahenge kasabwe mu biganiro biheruka kubera kandi i Luanda mu mpera z’u kwezi gushize, aho aka gahenge byari biteganijwe ko kagomba kubahirizwa kuva ku itariki ya 04/08/2024.
Rero, muri iyi mirwano ikomeje kuba mu gihe cya gahenge, kuri uyu wa Gatatu, ingabo ziyobowe na Major Gen Sultan Makenga zigaruriye uduce turimo Lukopfu, Kisuma nahitwa Bufaransa.
Cyokoze ngo n’inkengero z’utu duce ziragenzurwa n’ingabo zo muri uru ruhande rw’umutwe wa M23.
Ku rundi ruhande, iyi mirwano yaguyemo abasivile batatu, mu gihe abagera kuri 20 bo bakomeretse, ndetse bamwe muribo barakomereka bikabije.
Byatumye abaturage benshi bongeye guhunga, bikanavugwa ko bari guhungira ahitwa Kaniro na Katale.
Agace ka Kaniro karacagenzurwa n’ingabo za RDC ndetse na Katale.
Na none kandi aya makuru dukesha abaturiye ibice byo muri Masisi, asoza avuga ko ingabo z’u mutwe wa M23 zirikwihuta zerekeza i Masisi ku i Zone, nyuma y’uko ariko gace kari gasigaye, ni mu gihe utundi duce tugize iyi teritwari hafi ya twose tugenzurwa n’ingabo na M23.
MCN.
