Perezida Félix Tshisekedi yongeye kugaragara mu ruhame nyuma y’iminsi arwaye.
Bikubiye mu byatangajwe n’umuvugizi wa Félix Tshisekedi, ari we Tina Salama akoresheje urubuga rwa x, yatangaje ko Tshisekedi yakoresheje inama muri ambasade ya Congo iri i Bruxelles mu Bubiligi.
Tina Salama yagize ati: “Kuri uyu wa Kabiri 06/08/2024, perezida wa Repubulika ya demokarasi ya Congo i Bruxelles yakoresheje inama muri ambasade ya Congo.”
Uyu muvugizi yanavuze kandi ko Tshisekedi ameze neza, ko ndetse ateganya gukoresha ikiganiro kuri TopCongo FM, anagaragaza ko icyo kiganiro ko kizakorwa mbere y’uko azafata indege imusubiza mu gihugu cye.
Mu Cyumweru gishize nibwo byamenyekanye ko perezida Félix Tshisekedi arwariye mu Bubiligi kandi ko yari arembye.
Ibyo byamenyekanye nyuma y’uko yari yasubitse urugendo yari kugirarira i Kisangani aho yari agiye kunamira Abanyakongo biciwe muri ibyo bice no mu Burasirazuba bwa RDC, nk’uko itangazo ry’ibiro bye ryabivugaga.
Bwana Tshisekedi, amakuru amwe avuga ko ahorana indwara y’umutima ariko kandi hari andi makuru avuga ko uyu mukuru w’igihugu cya RDC ko yaba arwaye kanseri.
Hagati aho, indwara perezida Félix Tshisekedi akunze kurwara ntizwi, kuko ubu n’ubugira kabiri aja kwivuza mu gihugu cy’u Bubiligi.
Kandi uko agiye kwivuza amara igihe kingana n’ibyumweru bibiri arimo kwitabwaho n’abaganga kabuhariwe.
MCN.
