Perezida Tshilombo wa Repubulika ya demokarasi ya Congo, yirukanye abategetsi bagiye mu mishyikirano na M23.
Ni Abbé Bahala Okw’ibale Jean Bosco wirukanwe muri leta ya perezida Félix Tshisekedi, amuziza ko yagiye i Kampala gushyikirana na M23.
Bwana Abbé Bahala Okw’ibale Jean Bosco yari asanzwe ari umuhuzabikorwa wa gahunda ishinzwe kwambura imbunda imitwe yitwaje intwaro ndetse no gusubiza mu buzima busanzwe abahoze ari abarwanyi ku rugamba (P-DDRCS).
Ibi byemejwe na Tina Salama, umuvugizi wa Perezida Félix Tshisekedi, aho yakoresheje urubuga rwa x, avuga ko “Abbé Bahala Okw’ibale Jean Bosco, yirukanwe muri leta ya Kinshasa, kandi avuga ko yirukanwe na Perezida Félix Tshisekedi.”
Kimweho, Tina Salama ntiyavuze impamvu uriya muyobozi yirukanwe.
Ariko nk’uko bigaragara nuko yirukanwe nyuma y’uko byari byatangajwe ko yerekeje i Kampala ho muri Uganda, mu mishyikirano n’umutwe wa M23.
Kuri iy’i mishyikirano, amakuru avuga ko yitabiriwe n’abarimo Rene Abandi, Lawrence Kanyuka ndetse na Col Nzeze Amani n’abandi, aha ni ku ruhande rwa M23.
Ay’amakuru anahamya ko iy’i mishyikirano ko yari yateguwe na perezida Yoweli Kaguta Museveni afatanije na Uhuru Kenyatta wabayeho perezida wa Kenya.
Andi makuru yatangajwe n’abategetsi ba Uganda yo, yemeza ko imishyikirano yabaye hagati ya M23 na leta ya Kinshasa.
Ku rundi ruhande, ordre de mision yahawe Abbé Bahala Okw’ibale Jean Bosco, yasinywe na minisitiri w’intebe w’ungirije akanaba minisitiri w’ingabo za Repubulika ya demokarasi ya Congo, yerekana ko yari yoherejwe i Kampala, muri misiyo yagombaga kumara iminsi itatu.
MCN.
