Perezida Vladimir Putin yagize icyatangariza u Bwongereza n’Amerika gikangenye.
Umukuru w’igihugu cy’u Burusiya, Vladimir Putin, yaburiye u Bwongereza na Leta Zunze Ubumwe z’Amerika biha Ukraine ubufasha bw’ibibunda ikarasa mu gihugu cye, ko nawe ashobora gukora ibindi biruta ibyo akarasa muri ibyo bihugu.
Ibi byatangajwe na perezida Vladimir Putin nyuma y’iminsi mike Leta Zunze Ubumwe z’Amerika n’u Bwongereza bihaye Ukraine uburenganzira bwo kurasa ku Burusiya ikoresheje misile zirasa kure.
Bwana Vladimir Putin, ibi yabitangaje mu ijoro ryaraye rikeye rishyira kuri uyu wa gatanu, abitangariza kuri televisiyo nkuru y’iki gihugu cy’u Burusiya, avuga ko igisirikare cye kizasubiza byimazeyo biriya bihugu ku bwiyongere bw’ibikorwa byubugizi bwa nabi.
Yashimangiye ibi agira ati: “Twizere ko dufite uburenganzira bwo gukoresha imbunda zacu tugaba ibitero ku bikorwa remezo bya gisirikare by’ibihugu byemeye ko intwaro zabyo zikoreshwa mu kugaba ibitero ku bikorwa remezo byacu.”
Tariki ya 11/11/2024, ni bwo perezida Joe Biden yemereye Ukraine kurasa mu Burusiya ikoresheje za misile zirasa kure, igihugu cye yayihaye.
Maze ku munsi wakurikiyeho u Burusiya na bwo buhita bukoresha misile zo mu bwoko bwa ATACMS zikoreshwa na Amerika Ukraine yari yarakoresheje iburasaho.
Mu gihe ku wa gatatu ho, u Burusiya naho bwatangaje ko bwakoreshe izindi misile zo mu bwoko bwa Storm Shadow Ukraine yahawe n’u Bwongereza.
Perezida Vladimir Putin yavuze ko mu gusubiza biriya bitero ku wa kane igisirikare cye cyagerageje kurasa mu mujyi wa Dnipro wo muri Ukraine igisasu kizwi nka intermediate-range misile.
Yanavuze kandi ko ubwirinzi bw’ikirere cya Ukraine butashoboye kuyishwanyaguza, kuko kiriya gisasu gifite umuvuduko ukubye uw’ijwi incuro 10.
Hagati aho, Ukraine ku wa kane, biciye muri perezida Volodymyr Zelensky, yatangaje ko u Burusiya bwarashe ibisasu mu gihugu cye, bukoresheje misile zambukiranya imigabane, zizwi nka ICBM . Gusa minisiteri y’ingabo ya Leta Zunze Ubumwe z’Amerika yavuze ko misile u Burusiya bwarashe iri munsi y’icyo gisasu.
