Raila Odinga, umwe mubatavuga rumwe nubutegetsi bwa William Ruto, yemeye guhagarika ibikorwa byimyigaragambyo.
Yanditswe na Bruce Bahanda, none tariki 02.04.2023, saa 09:10PM, kumasaha ya Bukavu na Minembwe.
Umugabo wumunyapolitike utavuga rumwe n’ubutegetsi bwa Kenya, Raila Odinga, yatangaje ko yemeye ubusabe bwa President William Ruto bwo guhagarika imyigaragambyo y’ihuriro ry’imitwe ya politiki rya Azimio la Umoja yakorwaga buri cyumweru.
Iyi myigaragambyo yatangiye ku wa Mbere w’icyumweru cyashize yari ifite impamvu zitandukanye zirimo gusaba Leta gukemura ikibazo cy’ihenda ry’ibicuruzwa nk’ifu y’ibigori ndetse no kwamagana ibyavuye mu matora y’Umukuru w’Igihugu yabaye mumwaka wa 2022.
Odinga, yari amaze iminsi ateguza Abanyakenya kotariki 03.04.2023, bagomba gukora imyigaragambyo ikomeye kurusha indi yose yabayeho, akaba yari yayise izina rya ‘Nyina w’Imyigaragambyo’ (Mother of Protests).
Uyumunsi tariki 02.04.2023, Ruto yahuye n’abavuga rikijana muri Kenya barimo ab’Anyapolitiki, ab’Anyamadini mu nama bagiranye yigaga ku bibazo byugarije igihugu birimo imibereho ihenze, asaba Odinga guhagarika iyi myigaragambyo, hanyuma bakaganira ku buryo byakemuka.
Odinga mu ijambo risubiza Ruto, yatangaje ko yemeye guhagarika iyi myigaragambyo, kuko ngo icyo yifuza muri Kenya ni uko ibibazo ifite bikemuka mu mahoro. Yaboneyeho gusaba ko abakomiseri bane ba komisiyo ishinzwe amatora birukanwe mu mwaka ushize basubizwaho, ibindi bigakemurwa n’Inteko ishinga amategeko.
Yagize ati: “William Ruto yavuze icyo nafata nk’ijambo ry’ingenzi. Twahuye, twumva abantu benshi barimo abayobozi b’amadini n’amatorero, badusaba ko twaha umwanya ibiganiro.”
Gusa, uyu munyapolitiki yatangaje ko ibiganiro nibidatanga umusaruro, azasubukura iyi myigaragambyo isanzwe iba ku wa Mbere no ku wa Kane wa buri cyumweru.
