RDC: Perezida Tshisekedi yakoze impinduka zikomeye mu gisirikare.
Perezida Félix Tshisekedi wa Repubulika ya demokorasi ya Congo, yakoze impinduka zidasanzwe mu gisirikare cy’igihugu cye.
Ni impunduka zakozwe ahar’ejo tariki ya 19/12/2024 zikozwe na bwana Félix Tshisekedi Tshilombo, perezida wa RDC.
Izi mpinduka nk’uko bigaragara ku itangazo ibiro by’umukuru w’iki Gihugu byashyize hanze, bigaragaza ko Lt Gen Pacifique Masunzu wahoze ayoboye akarere ka kabiri k’ingabo(deuxième zone de défense ) kuva tariki ya 17/07/2020, kuri ubu yagizwe komanda wa karere ka gatatu(troisième zone de défense) mu Ntara ya Manyema, Kivu y’Amajy’epfo, Kivu Yaruguru, Tshopo, Haut-Uele na Ituri), aho umwungirije Jenerali Majoro Antoine Diangolo yashinzwe ibikorwa by’iperereza, mu gihe Jenerali Muamba Modeste yahawe kugenzura ibikoresho bya gisirikare muri izo ntara.
Jenerali Majoro Raymond Bonga yagizwe umugaba w’ingabo w’ungirije zirwanira ku butaka, akaba ashyinzwe imiyoborere n’ibikoresho.
Burigadiye Jenerali Eric Maloba agirwa umuyobozi ushinzwe imiyoborere mu buyobozi bw’ingabo za Repubulika ya demokorasi ya Congo (Fardc).
Mu gihe uwahoze ari umugaba mukuru w’ingabo za RDC, Christian Tshiwewe Songesa yagizwe umujyanama wa gisirikare wa perezida wa Repubulika.
Uwa musimbuye wagizwe umugaba mukuru w’ingabo za RDC ni Lt Gen Banza Mwilanié.
Naho Gen Chico Tshitambwe yagizwe umuyobozi mukuru wa gisirikare wa karere ka mbere, ubwo ni intara ya Kinshasa, Kwango, Kwilu, Mai-Ndombe, Congo Central, Equateur, Mongala, Ubangi zombi na Tshuapa.
Hari n’abandi benshi bagiye bahabwa imyanya ikomeye mu gisirikare cya Repubulika ya demokorasi ya Congo, tuzagenda tubabwira nyuma.
