Umuhuza Uhuru Kenyatta yasabye guverinema ya RDC gukorana Ibiganiro numutwe wa M23.
Yanditswe na: Bruce Bahanda, kw’itariki 12/07/2023, saa 3:10pm, kumasaha ya Bukavu na Minembwe.
Uwahoze ari Perezida wa Kenya, Uhuru Kenyatta, yongeye gusaba ko leta ya Repubulika ya Demokarasi ya Congo ko ija mu biganiro n’umutwe wa M23. Umutwe urwanira muburasirazuba bw’ikigihugu ca RDC.
Uhuru Kenyatta, usanzwe ari umuhuza mumakimbirane ya Congo yasabye Kinshasa kandi kujya mu biganiro na M23, ubwo yari mu mujyi wa Goma aho yafunguye inama yiga kuri gahunda yo kurebera hamwe uko abarwanyi ba M23 bahurizwa hamwe muburyo buganisha kugukemura amakimbirane amaze ibihe byinshi muriki gihugu.
Inama yokuruyu wa Gatatu, iyobowe na Uhuru Kenyatta, yitabiriwe nabayobozi ba leta batandukanye barimo na Minisitiri w’Ingabo za Republika ya Demokarasi ya Congo FARDC, Jean Pierre Bemba.
Uhuru, n’imiryango mpuzamahanga ndetse nabamwe mubayobozi ba Congo Kinshasa, bamaze igihe botsa igitutu Leta ya Congo bayisaba kujya mu biganiro n’umutwe wa M23 umaze umwaka urenga bahanganye n’Ingabo ziki gihugu.
M23 imaze igihe itangaza ko yiteguye kujya mu mishikirano na Leta ya Congo, yo ikavuga ko idashobora kuganira n’uyu mutwe yakunze kwita uw’iterabwoba.
M23 ku ruhande rwayo nanone ivuga ko mu gihe Kinshasa yaba yanze ko baganira na yo itazigera yitabira na rimwe gahunda yo guhuriza hamwe abarwanyi bayo, mbere yo kubambura intwaro no kubasubiza mu buzima busanzwe.
Impamvu ni uko uyu mutwe wakunze kugaragaza ko ari wo wonyine wubahirije ibyo wo na Leta ya Congo bagiye basabwa n’inama zitandukanye zagiye zihuza abakuru b’ibihugu by’akarere na RDC iherereyemo.
Muri byo harimo guhagarika imirwano hagati y’impande zombi maze M23 ikava mu duce tw’intara ya Kivu y’Amajyaruguru yari yarigaruriye.
Abakurikiranira hafi amakimbirane y’impande zombi bahuriza ku kuba ubutegetsi bwa Repubulika ya Demokarasi ya Congo bwarashize imbere gukoresha ingufu za gisirikare mu rwego rwo kurangiza ariya makimbirane.
Urakoze cane