Abaheruka kugerageza guhirika ubutegetsi muri Repubulika ya demokarasi ya Congo baciriwe urwo gupfa.
Ni urubanza rw’abantu bagera kuri 50 bashinjwa kuba baragize uruhare muri kudeta yapfubijwe n’igisirikare cya leta ya Kinshasa, mu kwezi gushize.
Abari muri iyi dosiye bose bagera kuri 53, barimo abanyamahanga bab’Anyamerika batatu n’abagore bane bafite ubwenegihugu bwa Congo.
Mu baburanishijwe, harimo Christian Malanga ushinjwa kugira uruhare runini mu mugambi wo gushaka guhirika ubutegetsi bwa perezida Felix Tshisekedi. Malanga afite ubwenegihugu bwa Amerika yishwe umugambi wo guhirika ubutegetsi ukirimo.
Nubwo yapfuye, ariko yari ku rutonde rw’ababurana. Umuhungu wiwe Marcel Malanga, ufite ubwenegihugu bw’Amerika na we yari mubaburanye, kimwe n’abandi banyamerika babiri, barimo ufatwa nk’inshuti yahafi ya Christian Malanga.
Jean-Jacque Wondo, inararibonye mu bya gisirikare, akaba n’umubiligi ufite inkomoko muri Repubulika ya demokarasi ya Congo, nawe yaburanye. Arashinjwa kuba yarabaye mu bateguye umugambi wo gushaka guhirika ubutegetsi bwa Kinshasa. Me. Masingo Shela uburanira Wondo yabwiye itangaza makuru ko ashinjwa kuba yarafashije abashatse guhirika ubutegetsi. Shela nuwo aburanira bahakanye ibyo baregwa, bavuga ko biteguye kuburana.
Abashinjwa gushaka guhirika ubutegetsi bwa Kinshasa baburaniye murukiko rwa gisirikare ruri i Gombe. Urubanza rwabo rwakurikiranwe n’abaserukiye ibihugu byabo, cyane cyane ibyo mu Burayi.
Byumwihariko ibyaha abari muri iyi dosiye bashinjwa, birimo kugerageza guhirika ubutegetsi bwa perezida Felix Tshisekedi, iterabwoba, gutanga uburyo bwo gufasha abakora itera bwoba, gutunga imbunda batazifitiye uruhushya, kugerageza kwica bamwe mu bategetsi ba Congo, ubwicanyi, no kwifatanya n’inkozi zikibi.
Abakora mu ishamyi ry’ikiremwa muntu muri RDC, bavuze ko batizeye ubucamanza bw’iki Gihugu.
Ibyo bibaye mu gihe bamwe mu basirikare bakuru b’iki Gihugu bashinjwa kwica abasirikare bakekwa ko bari muri uyu mugambi wo gushaka guhirika ubutegetsi, wapfubye ku itariki ya 19/05/2024, nkuko iy’i nkuru tuyikesha ibiro ntara makuru by’Abafaransa, AFP.
Tubibutsa ko uru rubanza ko rwabaye kuri uyu wa Gatanu, rubera i Kinshasa.
MCN.
