Umugore, niwe watsinze amatora yabayemo impaka muri Namibia.
Igihugu cya Namibia, hatowe perezida w’Umugore, bikaba bibaye amateka, kuko niwe wa mbere uyoboye iki gihugu.
Uwatsinze amatora ni Netumbo Nandi-Ndaitwah, yarasanzwe ari visi perezida wa Namibia kuva mu kwezi kwa kabiri uyu mwaka.
Uyu mugore ava mu ishyaka rya SWAPO, ari naryo riri ku butegetsi, yatowe nka perezida wa mbere w’umugore w’icyo gihugu cyo muri Afrika y’Amajy’epfo, nyuma yamatora yabaye mu Cyumweru gishize, ayabayemo impaka nyinshi.
Ku mugoroba wo ku wa kabiri, komisiyo ishinzwe amatora ni bwo yatangaje ko yabonye amajwi 57%, mu gihe uwaje ku mwanya wa kabiri yagize 26%.
Uyu wagize amajwi 26%, yitwa Itura yari yatangaje ko ishyaka rye ritazemera ibyavuye mu mator, ni mu gihe rivuga ko amatora yabayemo imikorere mibi.
Ku bw’iyo mpamvu, menshi mu mashyaka atavuga rumwe n’ubutegetsi yanze kwitabira iki gikorwa cy’itangazwa ry’ibyavuye mu matora cyabereye mu murwa mukuru Windhoek ku wa kabiri, nk’uko ibitangaza makuru byo muri icyo gihugu bivuga.
Nyuma yitangazwa ry’ibyavuye mu matora, ibiro ntara makuru by’Abongereza, Reuters, byasubiyemo amagambo ya Nandi-Ndaitwah, w’imyaka 72, agira ati: “Igihugu cya Namibia cyatoreye amahoro n’umutekano.”
Ishyaka rya SWAPO ryatsinze amatora muri iki gihugu, riri ku butegetsi guhera mu mwaka w’ 1990, ubwo cyabonaga ubwigenge kuri Afrika y’Epfo yagikolonije, nyuma y’u Budage.
Nandi-Ndaitwah watsinze amatora, ni umwe mu bategetsi babizerwa muri Namibia, akaba amaze imyaka 25 ari mu myanya yo hejuru. Kuri ubu yari visi perezida.
