Umwe mubatavuga rumwe n’ubutegetsi bwa Kinshasa, Salomon Kalonda SK Della yatawe muri yombi ku kibuga cy’indege mpuzamahanga cya Ndjili homuri Kinshasa.
Yanditswe na Bruce Bahanda, kw’itariki 30.05.2023, saa 2:50pm, kumasaha ya Bukavu na Minembwe.
Umwe mubafatanya bikorwa wahafi wa Moïse Katumbi, Bwana Salomon Ssanga, yatawe muriyombi i Kinshasa akaba yafatiwe kukibuga gikuru c’indege cya Ndjili, gusa aho yerekezaga hakaba hataramenyekana nkuko Radio Okapi ibitangaza.
Iri fatwa rya Sasanga, umugabo utavuga rumwe n’ubutegetsi bwa Kinshasa, abantu benshi kumbuga nkoranya Mbaga (Social Media), bakomeje kwamagana abakoze iribara nkuko bigaragara
Bamwe mubanyapolitike batavuga rumwe n’ubutegetsi bwa Kinshasa, bavuze ko iki gikorwa cyoguhagarika Sasanga cyerekana bihagije ko demokarasi itabaho muri Repubulika ya Demokarasi ya Kongo.
Katumbi yagize ati: “Ifatwa rya Sasanga ni ishimutwa rikabije. Nta shingiro bifite kumuhagarika ibi binyuranyije n’amategeko.”
Matata Ponyo we yamaganye iri fatwa kandi asaba ko yarekurwa vuba bidatinze, aho yagize ati: “Maze kumenya ko Salomon Kalonda, umwe mu bafatanyabikorwa ba hafi ba Moïse Katumbi, ko yashimuswe ubwo yari kukibuga cy’indege cya Kinshasa, yafashwe n’abagabo bambaye imyenda ya gisivili. Ndamagana iyi leta yigitugu kandi ndasaba ko yamurekura vuba.”
Tubibutsa ko Matata Mponyo, yigezeho kuba Minisitiri w’intebe, muri RDC ubwo President Joseph Kabira yarakiri kubutegetsi i Kinshasa.
Matata Mponyo, yakomeje avuga ko “Biratangaje gusa biratwereka ko Demokarasi yapfuye muriki gihugu ariko bizageraho bisobanuke.”
Perezida w’ishyaka rya ritavuga rumwe n’ubutegetsi “Envol”, Delly Sesanga, we yamaganye ibikorwa bya leta ya Kinshasa, aho yagize ati: “Ishimutwa ry’abanyapolitiki kugira ngo bacecekeshe abatavuga rumwe n’ubutegetsi ni umuco mubi tugomba kuwamagana. Nyuma yo gushimuta mugenzi wanjye Omelanga Lens, umaze iminsi irenga 30 afungiwe muri ANR(Ishamyi rishinzwe iperereza), nongeye kubabazwa nifatwa rya Salomon Kalonda, wafashwe uyu munsi ku kibuga cy’indege cya Ndjili.”
Tubibutsa ko uyumugabo watawe muriyombi numwe mubajanama babahafi na Moïse Katumbi, umunyapolitike utavuga rumwe n’ubutegetsi bwa Kinshasa.
