Umutwe wa M23 wa nyomoje perezida Félix Tshisekedi wahakanye ko atabatumiye i Kinshasa.
Ni bya tangajwe n’umuvugizi wa M23 mu bya gisirikare, Lt Col Willy Ngoma, mu kiganiro yahaye abaturage baturiye u Mujyi wa Kiwanja, muri teritware ya Rutsuru, mu Ntara ya Kivu y’Amajyaruguru.
Lt Col Willy Ngoma, yahishuye neza ko Tshisekedi ari umubeshi.
Yagize ati: “Abantu barabesha. Umunsi nari hano, narababwiye ngo ‘mwitonde, leta ntibabeshe.’ Tshisekedi yadutumyeho i Kinshasa, twahamaze amezi 14, yaraduhamagaye, yaratwakiriye, yatwakiriye neza, mu nzu nziza, aduha n’imodoka nziza zatujanaga.”
Mu mpamvu Tshisekedi yashingiyeho avuga ko atari gutumira M23, yasobanuye ko abagize uwo mutwe atari abanyekongo.
Tshisekedi tariki ya 22/02/2024, yahaye itangaza makuru i Kinshasa ikiganiro, muri icyo kiganiro avuga ko atigeze atumira intumwa za M23, ahubwo ko byakozwe n’uwahoze ari minisitiri w’u mutekano, Gilbert Kankonde.
Yagize ati: “Ni ikinyoma nta nimero yabo nfite, ariko naje kumenya ko intumwa za M23 ko ziri hano. Ntabwo natumira intumwa za M23 i Kinshasa. Sinigeze nzakira . Nanze guhura n’inyeshamba za M23 uwari minisitiri w’u mutekano w’imbere icyo gihe niwe wabakiriye, Gilbert Kankonde Malamba, ni nawe wabatumiye.”
Ibyo Lt Col Willy Ngoma abeshuza avuga ko Tshisekedi ari umubeshi, byashimangiwe na bwana Lawrence Kanyuka umuvugizi wa M23 mu bya politike, aho yunzemo ko Tshisekedi ari umubeshi, ubwo yari mu kiganiro n’abanyamakuru ba Al Jazeera.
Ati: “M23 ni umuryango w’Abanyekongo, wagiranye amasezerano na leta ya Kinshasa, tariki ya 12/11/2013 i Nairobi. Icyo gihe hari hateraniye umuryango w’a badiplomate, Monusco, L’ONI, icglr n’abafatanya bikorwa mpuzamahanga.”
Kanyuka yemeza nawe ko M23 yakiriwe i Kinshasa, agira ati: “Twagiye i Kinshasa, tumarayo amezi 14 n’itsinda rya Guverinoma, hamwe n’itsinda rya Tshisekedi yadushiriyeho kugira ngo tuganire ku cyemezo M23 yari yafashe cyo kurambika imbunda hasi ku bushake, ubwo hari mu mpera z’u mwaka w’2020 kugeza 2021.”
Kugeza ubu M23 ivuga ko igisaba perezida Félix Tshisekedi kubahiriza amasezerano yagiranye na leta ya Kinshasa mu 2013 n’ayo mu biganiro bya huje intumwa zayo n’iza RDC mu mezi 14 zamaze i Kinshasa.
MCN.
