Umunyamulenge wari umuyobozi muri Polisi ya Repubulika ya demokarasi ya Congo, yapfuye mu buryo bubabaje.

Umunyamulenge wari umuyobozi muri Polisi ya Repubulika ya demokarasi ya Congo, yapfuye mu buryo bubabaje, kuko yaguye ari mu maboko ya bashinzwe iperereza ry’iki gihugu.

Ni Major Seruhanga Ndizeye Thomas bya menyekanye ko yapfuye kuri uyu wa Kane tariki ya 30/05/2024, nk’uko iy’inkuru tuyikesha abaturiye i Kinshasa ku murwa mukuru w’igihugu cya RDC.

Amakuru avuga ko uyu mu Polisi yarangije igihe c’isaha z’igicamunsi cyo kuri uyu wa Kane, kandi ko yaguye aho yarafungiwe muri DEMIAP.

Nk’uko iyi nkuru ibisobanura n’uko uyu mu polisi yahagaritswe n’inzego zishinzwe umutekano i Goma mu Ntara ya Kivu Yaruguru, ahagana mu mpera z’u kwezi kwa Kabiri uyu mwaka. Nyuma y’uko yari amaze gutabwa muri yombi, yahise yoherezwa i Kinshasa maze ahageze ahita afungirwa muri DEMIAP.

Iy’i nkuru ikomeza ivuga ko major Seruhanga Ndizeye Thomas yafunzwe kubera ko ari uwo mu bwoko bw’Abanyamulenge. Gusa, muri icyo gihe akimara guhagarikwa n’iperereza, ryavuze ko yari ashigikira M23 irwanya leta ya Kinshasa.

Kuva Thomas yagezwa i Kinshasa ntiyigeze agezwa imbere y’ubutabera kugira ngo yisigure kubyaha aregwa. Ibyo major Seruhanga Ndizeye Thomas yaregwaga nibyo leta ya Kinshasa ikunze gushinja Abatutsi bose bafungiwe hirya no hino mu ma gereza yo muri iki gihugu, nk’uko Abatutsi babyivugira.

Ibi bituma Abanyamulenge n’Abatutsi bose muri rusange binubira ubu butegetsi bwa Kinshasa.

Ubu bugizi bwa nabi bukorerwa Abatutsi bwagiye bukorerwa mu Burasirazuba bw’iki gihugu cya Repubulika ya demokarasi ya Congo. Abenshi muribo barishwe abandi barafunzwe ndetse abandi bagiye bakorerwa iyicarubozo.

             MCN.