Umusirikare mu ngabo z’igihugu cya Repubulika ya demokarasi ya Congo, yishe mugenzi we amuhoye telefone ngendanwa.
Ni byabaye kuri uyu wa Kabiri tariki ya 21/05/2024, bibera mu gace gaherereye i Bunia ho mu mujyi w’i Ntara ya Ituri, mu Burasirazuba bw’iki gihugu cya RDC.
Amakuru ava muri ibyo bice avuga ko aya mahano yabereye mu mujyi rwagati, mu gace kitwa neza ONC, ahari zone ikorerwamo ibikorwa by’ingabo za FARDC ko muri Komine ya Mbunya.
Uyu musirikare yamaze kwica mugenzi we amurashe nawe ahita yirasa arapfa.
Nk’uko iyi nkuru yatangajwe na komiseri mukuru, wo muri ibyo bice, Abeli Mwangu Gerad, yavuze ko umusirikare wa FARDC ufite ipeti rya Oldat deuxième classe, Kalema, wakoze ubwo bwicanyi, yarashe yegereye uwo mugenzi we kubera ikibazo cya telefone yari yabuze.
Mu itangazo rigenewe abanyamakuru ryashizwe hanze n’ubuyobozi bw’Ingabo muri ibyo bice, rigira riti: “Uwarashe ni Kalema wo mu mutwe wa PM (Polisi ya gisirikare). Aho akorera habuze telefone ya premier sergeant-major Stéphane usanzwe ari pasteri unagemurira uyu mutwe.
Umuyobozi wa stasiyo kugira ngo abone igisubizo yafashe telephone ya 2è class Kalema, ahita arakara aba rinabwo yahise arasa premier sergeant-major Stéphane arapfa.
Nyuma haje kuba urufaya rwa masasu rwasize rukomerekeje abandi basirikare babiri, Kalema nawe abona kwiyahura abonye ko bikomeye.
Ibi kandi ngo byatumye haba ihungabana ridasanzwe hagati mu baturage baturiye ibyo bice. Gusa kuri ubu polisi yahamagariye abantu gutekana, kandi ihangurira abantu kuja mu bikorwa bisanzwe.
MCN.
