Ubuyobozi bw’u mutwe wa M23, burashinja ihuriro ry’Ingabo z’ubutegetsi bwa Repubulika ya Demokarasi ya Congo kurasa ibisasu mu mihana ituwe n’Abaturage.
Ni munyandiko umuvugizi wa M23 amaze gushira hanze kuri uyu wa Gatanu, tariki ya 19/01/2024, ziherekejwe n’Amaphoto agaragaza ibyangirijwe n’amasasu yarashwe na Drone yo mu bwoko bwa CH-4, y’igisirikare cya Repubulika ya Demokarasi ya Congo.
Umuvugizi wa M23 mu bya politike, Lawrence Kanyuka, yagize ati: “Turamenyesha rubanda ibi bikurikira:”
“Ihuriro ry’Ingabo zirwana k’uruhande rwa Guverinoma ya Kinshasa, FARDC, FDLR, Abacanshuro n’Ingabo z’u Burundi hamwe na SADC, bakomeje kwica Abasivile muri teritware ya Masisi.”
“Mu ijoro ryakeye, bakoresheje drone z’intambara barasa ibisasu ahatuwe n’abaturage, barasa Inka za baturage zirapfa, basenya amazu, amaduka ndetse n’uruganda rwa foromage.”
“M23 iributsa imiryango y’imbere mu Gihugu n’imiryango Mpuzamahanga ko izo drone zidakora ibitero bya gisirikare.”
Yasoje avuga ko ingabo za M23 zo zikomeje kurinda abaturage.
Ati: “Ingabo za M23 zikomeje kurwana kubaturage n’ibyabo.”
Amashusho agaragaza ibyangirijwe n’ibisasu by’ihuriro ry’Ingabo za RDC agaragaza ubukana budasanzwe, aho ubona byarimo bisenya kubi.
Amakuru yizewe Minembwe Capital News ikesha bamwe mu baturage baturiye ibyo bice, bahamije ko Inka z’Abaturage bo mu bwoko bw’Abatutsi zongeye gupfa ku bwinshi zicwa n’ibisasu by’ihuriro ry’Ingabo zirwana k’uruhande rwa leta ya Kinshasa harimo na SADC.
Bruce Bahanda.
