Dr Sebitereko Lazare, afungiwe i Kinshasa.
Yanditswe na Bruce Bahanda, kw’itariki 03 07/2023, saa 6:20pm, kumasaha ya Bukavu na Minembwe.
Dr Sebitereko Lazare, Umunyamulenge w’inshabwenge unashimwa nabenshi, afatwa bwambere hari Ku wa kane tariki ya 29/06/2023, yongera gufatwa Uvira, tariki 01/07/2023, akaba yararafashwe nabasirikare bakora mubutasi bw’ingabo za Fardc, mugace ka Kavinvira ho muri teritware ya Uvira muntara ya Kivu yamajy’Epfo.
Lazare Rukundwa Sebitereko, umuyobozi wa kaminuza ya Eben Ezer, ifite icicaro gikuru mu Minembwe, homuri teritware ya Fizi muntara ya Kivu y’Amajyepfo mu burasirazuba bwa RDC, kurubu yamaze kugezwa i Kinshasa, mumurwa mukuru wa Congo.
Mumakuru Minembwe Capital News, dukesha Raporo yabashinzwe ubutasi mungabo za FARDC muri Kivu yamajy’Epfo, namakuru avuga ko Dr Lazare Sebitereko, yafashwe nyuma gato yuko izina rye rivuzwe muri raporo y’impuguke z’umuryango w’abibumbye(L’ONI) kuri Congo, imushinja ko yashigikiye umutwe wa M23. Iyo Raporo yerekana ko yashishikarije umuryango wa Banyamulenge i Nairobi umurwa mukuru wa Kenya, gutera inkunga M23 mu buryo bw’amafaranga no gukangurira abasore ba Banyamulenge kwinjira muri Twirwaneho, ugizwe ahanini na ba Banyamulenge.
Gusa ibi Dr Lazare Sebitereko, yarabihakanye ahagana kw’itariki 22/06/2023, aho yagize ati : “Nagize uruhare mu nzira y’amahoro mubiganiro bya Nairobi mugushakira amahoro u burasirazuba bwa RDC, mukwezi kwa 12/ 2022, murubwo buryo sinabona umwanya wogushigikira inyeshamba.”
Yongeye ho ati: “Igihe nari mubiganiro bya Nairobi, ntamwanya nari kubona wogukumanya abasore ba Banyamulenge kugira ngo mbakangurire kwifatanya na Twirwaneho cangwa M23.”
Dr Lazare Sebitereko, yarangije avuga ati: “Biragaragara ko itsinda ry’impuguke z’umuryango w’abibumbye ryayobejwe n’abamenyesha amakuru bafite umugambi mubi ugamije kwanduza izina ryanjye no gushyira ubuzima bwanjye mu kaga. Muri icyo gihe, ntibyumvikana ko nta munyamuryango w’itsinda ry’impuguke watinyutse kugenzura ibyo birego nta bimenyetso bifatika bituma bitangazwa . Ibinyuranye n’ibyo, iri tsinda ry’impuguke z’umuryango w’abibumbye ryakoresheje nkana ibirego by’ibinyoma hagamijwe kungirira nabi. Amakuru y’ibinyoma ni intwaro yica.”
Dr Sebitereko azwi muri Minembwe kubera imishinga ye y’iterambere atari umuryango we gusa ahubwo no mu yandi moko arimo Abanyindu, Bafulero na Babembe.
Azwiho kandi kuba yarubatse kaminuza izwi kwizina rya UEMI ndetse n’ibitaro tutibagiwe imishinga yo guteza imbere ubuhinzi nubworozi. Akunze kandi guhamagarwa mu nama z’ubwiyunge hagati y’amoko aturiye Kivu yamajy’Epfo.
Abahagarariye umuryango wa Banyamulenge batangaza ko abantu babo barenga 200 bafungiwe ubusa bakaba bafungiwe hirya nohino mugihugu.
Uku gufungwa kukaba kwarafashe intera mugihe umutwe wa M23 watoye intwaro mu mpera z’umwaka wa 2021 aho uyumutwe ushinja guverinoma ya Congo guhohotera abaturage ba b’Atutsi.
Bwana Sebitereko yatawe muri yombi n’abakozi b’ikigo cy’igihugu gishinzwe iperereza (ANR) ubwo yiteguraga kwambuka umupaka wa Congo n’Uburundi ava mu Minembwe.
Bamwe mubaturage ba Banyamulenge bamaganye itabwo muriyombi rya Dr Lazare Sebitereko, aho bavuga ko ari uguhohotera gukomeye gukomeje gukorerwa Abanyamulenge batuye mumajy’Epfo ya Kivu.
Uwitwa Semuhoza yagize ati : “Ntagushidikanya ibi bakoreye Dr Lazare Sebitereko, ni umugambi wa leta ya Kinshasa wo kurwanya Abanyamulenge muri Congo.
Yakomeje agira ati : “Kuva mumwaka wa 2017, umuryango wa Banyamulenge muri Kivu y’Amajyepfo wakomeje Guhohoterwa, bakorewe Ubwicanyi leta ya congo irebera. Hari aba General, Abadepite n’abandi banyacubahiro baregwa kuba baragiye baba inyuma yubwicanyi bukorerwa Abanyamulenge ariko biratangaje ko bakomeje kwidegembya kugeza kuruyumunsi. Abakora ibyiza nibo bafungwa gukorera ibyiza muri Congo ninkogukorera Satani.”
