Umwuka mubi hagati y’idini Ekeleziya Gatolika muri Repubulika ya demokarasi ya Congo n’ubutegetsi bw’icyo gihugu ukomeje kuzamuka .
Ni Karidinali Frodolin Ambongo umukuru w’idini katolika muri RDC, wongeye kwikoma ubutegetsi bwa Kinshasa, mu kiganiro yagiranye n’abanyamakuru, ku munsi w’ejo hashize, ari ku murwa mukuru w’i Gihugu cya Repubulika ya demokarasi ya Congo i Kinshasa.
Yagize ati: “Nti bishoboka ko umuntu ukunda igihugu cyacu cya Congo yaba umufatanya bikorwa n’imitwe y’itwaje imbunda, kandi ihungabanya umutekano w’igihugu.”
Ibi yabishimangiye agira ati: “Igihungabanya umudendezo w’abaturage nti cyashigikirwa n’abakunda igihugu. Nti bikunda. Leta igomba kwisubiraho turashaka abubaka apana abasenya.”
Mu ntangiriro z’iki Cyumweru turimo, ubutegetsi bwa perezida Félix Tshisekedi, bunyuze mu muvugizi wayo akaba na minisitiri witangaza makuru Patrick Muyaya yashinje Karidinali Frodolin Ambongo gushigikira imitwe y’itwaje imbunda, avuga ko iyo mitwe yica abenegihugu ba Congo.
Patrick Muyaya yatangaje ibi nyuma y’uko umukuru w’idini katolika muri RDC, Frodolin Ambongo, ku munsi wo gusoza Pasika, tariki ya 31/03/2024, yari yatangaje ko ingabo za Republika ya Demokarasi ya Congo ari waringa ko zisa nkaho arintacyo zifasha abaturage baturiye iki gihugu. Muri icyo gihe Ambongo abwira abakirisitu b’idini Gatolika ko igihe n’ikigera RDC izabona umuntu uyivana mu kaga.
Umuvugizi wa leta ya Kinshasa asaba ko Ambongo agomba gusobanurira leta ya Kinshasa ibyo ayishinja.
Uguhangana hagati y’idini Ekeleziya Gatolika na leta ya Kinshasa biri gufata indi ntera, mu gihe imirwano nayo icya ibintu mu Burasirazuba bwa Repubulika ya demokarasi ya Congo, aho M23 ikomeje gusatira gufata ibindi bice ndetse ikaba imaze kubohoza ibice byinshi kurugero rutigeze rubaho n’ikindi gihe.
MCN.
