Uwahoze ari umukozi wa CIA watawe muri yombi hatanzwe amakuru arambuye kuriwe.
Ejo hashize tariki ya 12/09/2024, nibwo umukozi wa CIA, Alexander Yuk Ching Ma, yakatiwe imyaka 10 yigifungo , azira gutanga amakuru ku ntasi z’u Bushinwa.
Alexander, umugabo w’imyaka 70 y’amavuko mu mpera z’u kwezi kwa Gatanu uyu mwaka, urukiko rwamuhamije icyaha cyo gutanga amakuru ku ntasi z’u Bushinwa.
Yatangiye gukorera uru rwego rwa CIA kuva mu mwaka w’ 1982 kugeza mu 1989. Ashinjwa kuba yarafatikanije na mwenewabo, nawe wahoze akorera CIA, guha amakuru ubutasi bw’u Bushinwa, kandi ko bishurwa ibihumbi 50 by’amadolari y’Amerika.
Nyuma yuko uyu mugabo avuye muri CIA yahawe akazi muri FBI, ko gusobanura indimi, nk’uko Deutsche Well ibitangaza.
Minisitiri w’ubutabera yatangaje ko uyu mugabo yahawe akazi muri FBI nk’umunyabiraka, kandi yagahawe bizwi neza ko afitanye amasano n’ubutasi bw’u Bushinwa. Yahawe akazi mu rwego rwo gukurikirana no gukora iperereza ku bikorwa bye ndetse n’imikoranire ye na SSSB. Ubwo hari hagati mu 2004 na 2012.
Amakuru avuga neza ko uyu mugabo w’umunyamerika wavukiye muri Hong Kong , yatawe muri yombi mu kwezi kwa Gatandatu mu mwaka w’ 2020.
Ubutabera bwo muri Leta Zunze Ubumwe z’Amerika, buvuga ko iki gihano bwana Alexander yahawe, cyavuye mu masezerano yuko yirengagije akanahemukira igihugu cye. Nyuma yuko yemeye uruhare rwe mu guha amakuru y’ibanga ibiro bishinzwe umutekano bya Shanghai (SSSB) mu Bushinwa.
MCN.
