Uwavugwaga ibigwi mu Bahema y’itabye Imana arashwe.
Lomboni warwaniriye ubwoko bwabo bw’Abahema yishwe arashwe n’abarwanyi bo mu Balendu, mu ntara ya Ituri, muri Repubulika ya demokarasi ya Congo.
Ku wa kane w’iki Cyumweru turimo, itariki ya 21/11/2024 ni bwo i Bunia humvikanye inkuru y’incamugongo y’urupfu rwa Lomboni.
Ni nyuma y’igitero gikomeye abarwanyi bo mu bwoko bw’Abalendu bagabye ahitwa i Lalu ahatuwe n’Abahema, undi nawe araswa ubwo yari yatabaye.
Amakuru avuga ko Lomboni yatabaye avuye ahitwa Gele, mu birometero bike naho igitero cyari cyagabwe.
Amasoko yacu yemeza ko uyu musore yarasiwe ku kiraro gihuza agace ka Lalu na ka Ngototi, akaje gaturutsemo igitero, kandi ko yarashwe n’umurwanyi w’Umulendu wari wuriye hejuru y’igiti.
Gusa, imbunda ye n’icyombo cye(Motorola) byatowe n’abo mu ruhande rwe, nk’uko iy’inkuru ibivuga.
Ubutumwa bwanditse MCN yahawe, buvuga ko uyu musore yari intwari ikomeye, ndetse kandi akaba yari anakunda ubwoko bwabo cyane.
Bugira buti: “Lomboni yari intwari ikomeye mu bwoko bw’Abahema. Yabakamiye igihe kirekire, ni we wimiraga abanzi bagaba ibitero mu bice bituwe n’ubwoko bwabo.”
Bunavuga ko ntaho Abalendu bagabaga ibitero ngwareke gutabara.
Usibye kuba yarakamiye ubwoko bwabo yanarindiye abacuruzi umutekano, baba Abanyamulenge n’abayandi moko.
Ati: “Lomboni yari umusore mwiza, haba ku mutima no kubu twari. RDC ihora ipfusha abantu ariko uyu we byabaye ibindi.”
Uwitabye Imana yavukaga mu nzu y’Abagegeri bo mu bwoko bw’Abahema. Ubu bwoko, ahanini butuye mu majyaruguru ya Bunia.
Ikindi n’uko Lomboni witabye Imana yari umusore ukiri muto, kuko yari mu kigero cy’imyaka iri hagati ya 25 na 30 y’amavuko.
