Mu Masango ho muri Grupema ya Bijombo, teritware ya Uvira, mu Ntara ya Kivu y’Amajy’epfo, mu Gihugu ca Repubulika ya Demokarasi ya Congo, hateguwe i Nama idasanzwe izahuza amoko yose aturiye ibyo bice.
N’i Nama igamije gushakirahamwe ubumwe n’ubwiyunge, izaba tariki ya 26/01/2024, ikazabera mu bice byo muri Localite ya Masango izahuza Abanyamulenge, Ababembe, Abapfulero n’Abanyintu, bo muri Grupema ya Bijombo.
Ahagana tariki ya 08/12/2023, mu Masango, hari hateguwe i Nama izahuza ariya moko yose aturiye Grupema ya Bijombo, biza kurangira iriya Nama itabaye ku bw’umutekano muke nk’uko iy’inkuru yavuzwe na bamwe mu baturage baturiye ibyo bice.
Ubwo bayiteguraga yari yateguwe n’umusirikare uyoboye Ingabo z’u Burundi zo mu mutwe wa TAFOC, Colonel Georges Nzibarega, afatanije n’ubuyobozi bwa Grupema ya Bijombo, Chef Rwigina Rwizigirwa ndetse n’aba Chefs bagize Localite zigize iyo Grupema.
Bizwi ko mu Masango hagiye havugwa umutekano muke ahanini uterwa n’ubwicanyi bukorwa n’Abapfulero, aho bica abo mu bwoko bw’Abanyamulenge.
Inzira ya Masango yongeye kugira agahenge ku Banyamulenge, nyuma y’uko Abanyamulenge batangiye kw’iyunga n’Abapfulero, Ababembe n’Abanyintu, mu mpera z’u mwaka ushize w’2023.
Kuva mu mwaka w’2017 Abanyamulenge bagiye bagirira ibyago muri biriya bice bya Masango abenshi barishwe abandi barashimutwa abishimuswe bakaza kurekurwa aruko hatanzwe Amafaranga.
Ahagana mu ntangiriro z’umwaka w’2022, mu Masango habaye intambara zikomeye zasize zisenye ako karere. Gusa kuri ubu Masango imaze kongera kubakwa.
Bruce Bahanda.