Leta Zunze Ubumwe z’Amerika zirashinja u Rwanda guha ubufasha umutwe wa M23.
Ni ibikubiye mu itangazo minisitiri w’ubanye n’amahanga wa leta Zunze Ubumwe z’Amerika yashize hanze, kuri uyu wa Gatandatu tariki ya 17/02/2024.
Iri tangazo rivuga ko ubutegetsi bwa Amerika butewe impungenge n’u mutekano muke ukomeje kuzamba mu Burasirazuba bwa RDC, ko kandi uwo mutekano muke uterwa n’intambara M23 irimo n’igisirikare cya Repubulika ya demokarasi ya Congo.
Muri iryo tangazo Amerika igashinja u Rwanda gutera inkunga umutwe wa M23, ngo kandi uwo mutwe usanzwe uri mubihano wafatiwe n’ Amerika n’umuryango w’Abibumbye(L’ONI).
Iryo tangazo rikomeza rivuga ko imirwano yabereye muri centre ya Sake yatumye abaturage ba barigwa muri miliyoni bongera kwinjira mu bibazo mugihe n’ubundi bari bafite ibindi bitaboroheye by’u mutekano muke.
Itangazo rya Amerika rigasaba M23 guharika intambara vuba nabwangu kandi abarwanyi bawo bakava muri centre ya Sake n’ahandi, ngo nk’uko amasezerano ya Luanda n’i Nairobi abitegeka.
Amerika kandi isaba u Rwanda guhagarika guha ubufasha umutwe wa M23, no kuvana abasirikare babo bose ku butaka bwa Repubulika ya demokarasi ya Congo, no kwimura ibikoresho byabo bya misile, bishobora gushira mu kaga abasivile.
Iri tangazo ry’Amerika risaba ko buri gihugu gikwiye kubaha ikindi bityo ngo umutekano uzarushaho gukwira Isi.
Iri tangazo ry’Amerika risoza risaba n’u butegetsi bwa perezida Félix Tshisekedi, guhagarika vuba nabwangu gukorana byahafi n’umutwe w’iterabwoba wa FDLR, urwanya ubutegetsi bw’u Rwanda. Amerika ikavuga ko uwo mutwe wa FDLR woshira abasivile mu kaga gakomeye.
N’itangazo ryasoje risaba impande zombi kuyoboka inzira y’ibiganiro, kandi yemera ko izashigikira ibijanye na diplomasi yose izafasha gutorera umuti wa mahoro arambye.
Bruce Bahanda.