Hamenyekanye amakuru y’ukuri y’Umzalendo ukomeye wapfuye aguye mu mirwano.
Ni uwitwa Colonel Jackson Fungunyuka wo mu mutwe wa Wazalendo, niwe waguye mu mirwano ihanganishije ingabo zirwana ku ruhande rwa leta ya Kinshasa n’umutwe wa M23. Akaba yarapfuye ku wa Kane tariki ya 11/07/2024, nk’uko amasoko yacu abivuga.
Rugikubita, amakuru yaje avuga ko Umzalendo ukomeye wapfuye ari uwitwa Gen Kasiano Kasereka, uzwi cyane ku izina rya Kabido, ndetse ku mbuga nkoranya mbaga ay’amakuru yakomeje ku hacicibikana, kugeza naho bakomeje kwerekana amashusho, bagasobanura ko uwapfuye ari Gen Kabido, ariko siwe.
Ay’amasoko yacu dukesha iy’inkuru yo avuga ko Umzalendo ukomeye wapfuye ari uwitwa Col Jackson, kandi ko yaguye muri ‘ambush,’ nyuma gato y’imirwano ikaze yabaye ku gicamunsi cyo ku wa Kane.
Ay’amasoko yacu anavuga ko ahitwa Kyahanda ho muri Localité ya Kikubo, muri teritware ya Lubero, kwariho uwo Mzalendo yarasiwe anaharangiriza ubuzima bwe bwo ku Isi.
Col Jackson, ni umwe mu barwanyi batangije umutwe wa FPP, umutwe waje kwiyunga muri leta ya Kinshasa mu mpera z’u mwaka ushize. Ahanini abarwanyi bagize uwo mutwe bavuka muri teritware ya Nyiragongo.
Kuri ubu uyu mutwe ubarizwa mu cyiswe Wazalendo, izwiho gukorana n’Interahamwe n’igisirikare cya FARDC mu kurwanya M23.
Ikindi uyu murwanyi wamaze kuva mu Isi y’abazima, n’uko yari yararahiriye kuzarambika imbunda hasi nta mututsi ukibarizwa ku butaka bwa Repubulika ya ya Congo, nk’uko yagiye abyigamba mu bihe bitandukanye.
MCN.
