Impamvu ubutegetsi bwa Kinshasa buri kurekura imfungwa nyinshi yamenyekanye.
Ni gahunda y’ubutegetsi bwa perezida Félix Tshisekedi wa Repubulika ya demokarasi ya Congo yashizweho yo kurekura imfungwa aho abagera kuri 421 bamaze kurekurwa kandi biranakomeje, nyuma yuko ubwiyongere bwazo bwari bukomeje kwikuba nshuro nyinshi.
Kuva mu Cyumweru gishize nibwo mfungwa zatangiye gusezererwa na minisitiri w’ubatabera, Constant Mutamba.
Bivugwa ko ahanini imfungwa zarekuwe n’izari muri gereza ya Makala iherereye ku murwa mukuru w’iki gihugu cya Repubulika ya demokarasi ya Congo.
Gereza ya Makala mu busanzwe igenewe kwakira imfungwa 1.500, ariko yarimo imfungwa zirenga 15.000, iyi mibare ikaba itera impungenge izi mfungwa n’abaharanira uburenganzira bwa muntu.
Rero kubera igitutu cyimiryango mpuzamahanga bashiraga kuri Kinshasa, byatumye igira imfungwa zimwe irekura, ariko amakuru avuga ko harekuwe imfungwa zifite ibyaha byoroheje.
Aba ni imfungwa zarangije ibihano byazo, abana bato, abarwayi, n’abagore. Impamvu yo kubarekura ni uko ngo muri gereza hari hamaze kubamo ubucucike bukabije. Iyi gahunda yo kurekura imfungwa irareba nibura abagera ku bihumbi 7000 biteganijwe ko bazarekurwa.
Uku kurekura n’igice cya mbere, hakaba hazakurikiraho kugabanya ibihano kubakatiwe.
Bwana Constant Mutamba akaba yiyemeje gukomeza gusohora imfungwa buri Cyumweru, kugeza imfungwa ibihumbi 7000 zisohotse bitarenze ku ya 10/08/2024.
MCN.