Maï Maï yagabweho igitero gikaze mu Mibunda.
Umutwe witwaje imbunda wa Red-Tabara urwanya ubutegetsi bw’u Burundi, ukaba ukorera mu misozi miremire y’Imulenge muri Kivu y’Amajy’epfo, mu gicyuku cyo kuri uyu wa mbere tariki ya 25/11/2024, wateye ibirindiro bya Maï Maï bya Tabunde biherereye mu Mibunda, muri teritware ya Mwenga.
Igihe c’isaha ya saa Cyenda z’urukerera rwo kuri uyu wa mbere, ni bwo amasasu y’imbunda nto n’iziremereye yumvikanye ku bantu bari mu Mikenke na Gipupu, ni nyuma y’uko Maï Maï yarimaze guterwa mu birindiro byayo bya Tabunde.
Uyu mutwe wa Red-Tabara mu kugaba iki gitero, warasiye Maï Maï mu mpande zose zibi birindiro, uza no kubiha inkongi y’umuriro birasha birakongoka.
Nyuma y’imirwano, aho hafi nahagabwe icyo gitero, hatoraguwe imirambo ine y’abarwanyi bo mu mutwe wa Maï Maï. Mu gihe bivugwa ko abakomeretse bo bataramenyekana, ariko ko bashobora kuba ari benshi cyane.
Inkomeri zitaramenyekana umubare wazo, zikorewe zivanwa muri ako gace, zijanwa ku bitaro bikuru bya Minkenke, kugira ngo zitabweho.
Ku ruhande rwa Red-Tabara nta kiramenyekana kuboba baguye muri icyo gitero, cyangwa bagikomerekeyemo.
Aya makuru avuga ko urusaku rw’imbunda ko rwacyecyetse igihe c’isaha zi tatu zo muri iki gitondo.
Iki gitero cy’uyu mutwe gisa nk’icyo kwihimura, ni mu gihe mu kwezi gushize ndetse no muri iyi minsi yavuba, Ingabo z’u Burundi, FARDC na Maï Maï, byagiye birasa, bikanasenya uduce twarimo Red-Tabara muri Mibunda no mu Lulenge.
Ndetse, ubushyizeho, hari n’abarwanyi 7 b’uyu mutwe wa Red-Tabara bafashwe matekwa, bikavugwa ko ari Maï Maï Maï yabafashe.
