Perezida Tshisekedi wa RDC yatse ubuhungiro aranabwemererwa.
Perezida Félix Tshisekedi wa Repubulika ya demokarasi ya Congo yemerewe ubuhungiro muri Angola nk’uko iyi nkuru yashyizwe hanze n’umwe mu banyamakuru bo muri RDC.
Ni amakuru yashyizwe hanze kuri uyu wa kabiri tariki ya 18/02/2025, aho yatangajwe bwa mbere n’umunyamakuru witwa Pero Luwara.
Akoresheje urubuga rwe rwa x, yatangaje ko perezida Félix Tshisekedi yagiriye uruzinduko rudasanzwe i Luanda muri Angola.
Asobanura ko yavuye i Kinshasa igihe c’isaha z’igitondo cyo kuri uyu wa kabiri, kandi ko yari mundege yaritwawe n’abapilote b’Abarusiya.
Ni amakuru kandi yemejwe na perezidansi ya Angola, biciye mu mashusho yagaragaje Tshisekedi ari kumwe na perezida João Lourenço wo muri iki gihugu.
Iyi nkuru y’uriya munyamakuru yakomeje ivuga ko uruzinduko rwa Tshisekedi yagiriye i Luanda rwari rugamije gusaba ubufasha bw’umutekano we bwite.
Uyu munyamakuru avuga ko Angola yamwemereye ubufasha bw’ubuhungiro ku giti cye, ariko ko idashobora kumutabara muburyo bwagisirikare.
Uyu mukuru w’i gihugu cya Repubulika ya demokarasi ya Congo, yazindukiye i Luanda mu gihe iwe umutekano ukomeje kuzamba, ahanini mu Burasirazuba bw’iki gihugu cye, kuko umutwe urwanya ubutegetsi bwe ukomeje kwigarurira imijyi ikomeye irimo uwa Goma na Bukavu.
Kimweho kandi, hari amakuru yo kuruhande Minembwe.com ikesha bamwe mu bakora mu nzego z’umutekano za RDC avuga ko abasirikare bo muri iyi Leta bo ku rwego rwa jenerali bari i Kinshasa batari kuvuga rumwe na perezida Félix Tshisekedi. Bamushinja kunanirwa gutsinda urugamba ingabo z’iki gihugu zihanganyemo n’umutwe wa M23.
Ndetse aya makuru akomeza avuga ko uko kutavuga rumwe hagati y’Abajenerali na perezida Tshisekedi, biri mubyatumye atitabira inama iheruka kubera i Dar es Salaam muri Tanzania, aho yari yahuriyemo abakuru b’ibihugu byo mu muryango wa SADC n’uwa EAC yigaga ku mutekano w’u Burasirazuba bwa RDC.
Ibyo bikaba biri mu byotuma Tshisekedi ashaka ubuhungiro, nubwo bitaremezwa n’ibiro bye.
